മുകേഷ് അംബാനിയെയും കുടുംബത്തെയും അപായപ്പെടുത്തുമെന്ന ഭീഷണി ഫോൺ ലഭിച്ച സംഭവത്തിൽ ഒരാൾ കസ്റ്റഡിയിൽ.56 കാരനായ വിഷ്ണു ഭോമിക്കിനെയാണ് പിടികൂടിയത്.ഇന്ന് ഉച്ചയ്ക്ക് മുമ്പാണ് റിലയൻസ് ഫൗണ്ടേഷൻ ആശുപത്രിയിൽ വിളിച്ച അജ്ഞാതനായ ആൾ മുകേഷ് അംബാനിയെയും കുടുംബത്തെയും അപായപ്പെടുത്തുമെന്ന് ഭീഷണി മുഴക്കിയത്.ആശുപത്രിയിലെ ലാന്ഡ് ഫോണ് നമ്പറിലേക്ക് നാല് തവണ വിളിച്ചാണ് അംബാനിയേയും കുടുംബത്തേയും വധിക്കുമെന്ന് ഒരാള് ഭീഷണിപ്പെടുത്തിയത്.ആശുപത്രിയിലേക്ക് വിളിച്ച ഫോണ് നമ്പര് കേന്ദ്രീകരിച്ച് നടത്തിയ അന്വേഷണത്തിലാണ് വിഷ്ണു ഭോമിക്കിനെ പോലീസ് പിടികൂടിയത്. സംഭവത്തില് കേസെടുത്ത പോലീസ് പ്രതിയെ ചോദ്യംചെയ്തുവരികയാണ്.