മലപ്പുറം തിരൂരില് ബിവറേജസ് ഷോപ്പിന് മുന്നില് സംഘര്ഷം. മദ്യപിച്ചെത്തിയ മൂന്ന് പേരടങ്ങുന്ന സംഘം ഷോപ്പിന് മുന്നില് ഭീകരാന്തരീക്ഷം സൃഷ്ടിക്കുകയും ബിയര് കുപ്പി ഉപയോഗിച്ച് ഒരാളുടെ തലയ്ക്ക് അടിച്ച് വീഴ്ത്തുകയും ചെയ്തു. ഇന്നലെ വൈകുന്നേരമാണ് സംഭവം.
മദ്യം വാങ്ങാനെത്തിയ ആളുകള്ക്ക് നേരെയാണ് ആക്രമണം ഉണ്ടായത്. സമീപത്തെ മറ്റൊരു കടയുടെ മുന്ഭാഗവും ആക്രമികള് തകര്ത്തു. സംഭവത്തിന്റെ ദൃശ്യങ്ങള് പുറത്തുവന്നിട്ടുണ്ട്.
തിരൂരിലെ ഒരു പ്രാദേശിക ചാനലിന്റെ ക്യാമറമാന് നേരെയും ആക്രമണം ഉണ്ടായി. സ്ഥലത്ത് നിന്നും വാര്ത്തകള് ശേഖരിക്കുകയായിരുന്ന പി.ഷബീറിനെയാണ് ആക്രമിച്ചത്. ഇയാള് ജില്ലാ ആശുപത്രിയില് ചികിത്സയിലാണ്. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു.
