പൊലീസ് സ്റ്റാഫ് ക്വാട്ടേഴ്സിന് തുക വകമാറ്റി വില്ലകളും ഓഫീസും പണിത നടപടി സാധൂകരിച്ച് സര്ക്കാര് .ലോക്നാഥ് ബെഹ്റ ഡി.ജി.പിയായിരുന്നപ്പോള് ജൂലൈ 27ലെ മന്ത്രിസഭാ യോഗത്തിലാണ് 4.33 കോടി രൂപ വകമാറ്റിയ നടപടി സാധൂകരിച്ച് തീരുമാനമെടുത്തത്.ചചട്ടപ്രകാരമുള്ള നടപടി ഇല്ലാതെ ഭാവിയില് ഇതാവര്ത്തിക്കരുതെന്ന് സര്ക്കാര് കര്ശന നിര്ദ്ദേശം നല്കി. ബെഹ്റയുടെ നടപടി സാധൂകരിച്ചുകൊണ്ട് ആഭ്യന്തര വകുപ്പ് ഉത്തരവിറക്കിയിട്ടുണ്ട്.
പൊലീസ് വകുപ്പിന്റ ആധുനികവല്കരണം എന്ന സ്കീമില് ഉള്പ്പെടുത്തിയാണ് പൊലീസ് സ്റ്റാഫ് ക്വാട്ടേഴ്സ് നിര്മിക്കാന് പണമനുവദിച്ചത്. എന്നാല് അനുവദിച്ച നാല് കോടി 33 ലക്ഷം രൂപ സര്ക്കാര് അനുമതി വാങ്ങാതെ വകമാറ്റുകയായിരുന്നു. ക്വാട്ടേഴ്സിന് പകരം തിരുവനന്തപുരം വഴുതക്കാട്ട് ഉന്നത പൊലീസുദ്യോഗസ്ഥര്ക്ക് കൂറ്റന് വില്ലകള് നിര്മിച്ചു. ഇതില് ഒരു വില്ലയിലാണ് ഡി.ജി.പിയായിരുന്ന ബെഹ്റ താമസിച്ചിരുന്നത്.
