കോഴിക്കോട് നടന്ന കോണ്ഗ്രസിന്റെ ചിന്തന്ശിബിരത്തില് പങ്കെടുക്കാനാവാത്തതില് അതീവ ദുഖമുണ്ടെന്ന് മുന് കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന്.ചിന്തന് ശിബിരത്തില് നിന്ന് വിട്ടു നിന്നതിനെച്ചൊല്ലി വിവാദം മുറുകവെയാണ് മുല്ലപ്പള്ളി പ്രതികരണവുമായി രംഗത്തെത്തിയത്.കോഴിക്കോട് ഡിസിസി പ്രസിഡണ്ടാണ് ചിന്തന് ശിബിരത്തിലേക്ക് ക്ഷണിച്ചതെന്നും അതിനപ്പുറം ഒന്നും പറയാനില്ലെന്നും മുല്ലപ്പള്ളി വ്യക്തമാക്കി.ഒരു നേതാവിനോടും വ്യക്തിപരമായി വിരോധമില്ല. ആശയപരമായ ഭിന്നത മാത്രമാണുള്ളതെന്നും മുല്ലപ്പള്ളി വ്യക്തമാക്കി.അച്ചടക്കമുള്ള പാര്ട്ടിപ്രവര്ത്തകനാണ് താന്, മാധ്യമങ്ങളോടല്ല പാര്ട്ടി അധ്യക്ഷയോടാണ് കാര്യങ്ങള് വ്യക്തമാക്കുകയെന്നും മുല്ലപ്പള്ളി കോഴിക്കോട് മാധ്യമങ്ങളോട് പറഞ്ഞു.കോഴിക്കോട് എന്റെയും നിങ്ങളുടെയും മണ്ണാണ്. ഞാന് കളിച്ചുവളര്ന്ന മണ്ണാണ്. തന്റെ വീട്ടില് വച്ചാണ് ചിന്തന് ശിബിരം നടന്നത്. എന്നാല് ഇക്കാര്യം കോഴിക്കോട് നടക്കുന്ന കാര്യം എന്നോട് പറഞ്ഞത് ഡിസിസി പ്രസിഡന്റ് മാത്രമാണെന്നും മുല്ലപ്പള്ളി പറഞ്ഞു. ചിന്തന് ശിബിരവുമായി ബന്ധപ്പെട്ട് തന്നെ സംബന്ധിച്ച് ചില കോണുകലില്നിന്ന് വരുന്ന വാര്ത്തകള് തെറ്റിദ്ധാരണ പരത്തുന്നതാണ്. തന്നെ പാര്ട്ടിക്കപ്പുറം സ്നേഹിക്കുന്നവരിലും അതുണ്ട്. അതുകൊണ്ടുമാത്രമാണ് ഇക്കാര്യം പറയുന്നത്. അങ്ങേയറ്റം മനോവ്യഥ എനിക്കുണ്ടായിട്ടുണ്ട്.പങ്കെടുക്കാതിരുന്നതിന്റെ കാരണം മാധ്യമങ്ങളിലൂടെ വെളിപ്പെടുത്തുന്നില്ല. അത് സോണിയഗാന്ധിയെ അറിയിക്കും.മുല്ലപ്പള്ളി പറഞ്ഞു.
കോഴിക്കോട് ഡിസിസി പ്രസിഡണ്ടാണ് ചിന്തന് ശിബിരത്തിലേക്ക് ക്ഷണിച്ചത്; അതിനപ്പുറം ഒന്നും പറയാനില്ല പങ്കെടുക്കാതിരുന്നതില് ഹൃദയവേദന
