നയൻതാരയും വിഘ്നേഷ് ശിവനും വിവാഹിതരായി. തമിഴ്നാട്ടിലെ ചരിത്രപ്രസിദ്ധമായ മഹാബലിപുരത്തെ ഷെറാട്ടണ് ഗ്രാന്ഡ് ഹോട്ടലില് വച്ചായിരുന്നു ആ താരമാംഗല്യം. സിനിമാ താരങ്ങള് ഉള്പ്പെടെയുള്ള സുഹൃത്തുക്കളുടെയും അടുത്ത ബന്ധുക്കളുടെയും സാന്നിദ്ധ്യത്തിലായിരുന്നു വിവാഹം.നയൻതാര–വിഗ്നേഷ് ശിവൻ വിവാഹത്തിൽ പങ്കെടുക്കാൻ ദിലീപ് എത്തി.ഷാരൂഖ് ഖാൻ, രജനികാന്ത് അടക്കമുള്ള താരങ്ങൾ ചടങ്ങിൽ എത്തിക്കഴിഞ്ഞു. മലയാളത്തിൽ നയൻതാരയുടെ അടുത്തസുഹൃത്തുക്കളിലൊരാളാണ് ദിലീപ്. സൂപ്പർഹിറ്റ് ചിത്രമായ ബോഡി ഗാർഡിൽ ഇവർ ഒന്നിച്ച് അഭിനയിച്ചിരുന്നു. ജീത്തു ജോസഫ് സംവിധാനം ചെയ്ത ലൈഫ് ഓഫ് ജോസൂട്ടിയിൽ അതിഥിവേഷത്തിലും നയൻതാര എത്തുകയുണ്ടായി.ചടങ്ങ് നടക്കുന്നിടത്തേക്ക് മാധ്യമങ്ങള്ക്കും പ്രവേശനമില്ല. പകരം, വ്യാഴാഴ്ച ഉച്ചയോടെ വിവാഹചിത്രങ്ങള് പുറത്തുവിടുമെന്ന് വിഘ്നേഷ് ശിവന് അറിയിച്ചു. സിനിമാ മേഖലയിലുള്ളവരടക്കമുള്ള പ്രമുഖര്ക്കുവേണ്ടി സത്കാരവും നടത്തുന്നുണ്ട്. ശനിയാഴ്ച ഇരുവരും മാധ്യമങ്ങളെ കാണും. വിവാഹച്ചടങ്ങുകള് ഡോക്യുമെന്ററി പോലെ ചിത്രീകരിക്കുന്നുണ്ട്. സംവിധായകന് ഗൗതം മേനോനാണ് ഇതിന്റെ സംവിധാനം നിര്വഹിക്കുന്നതെന്നാണ് സൂചന
നയൻതാരയും വിഘ്നേഷ് ശിവനും വിവാഹിതരായി,ചടങ്ങിൽ പങ്കെടുത്ത് ദിലീപ്,മുഖ്യാതിഥിയായി ഷാരുഖ് ഖാനും,വൻ താര നിര
