വിസ്മയ കേസിലെ അന്വേഷണ മികവിന് അന്വേഷണ സംഘത്തെ നയിച്ച ശാസ്താംകോട്ട ഡിവൈഎസ്പി പി.രാജ്കുമാറിനെ അഭിനന്ദിച്ച് നടന് മമ്മൂട്ടി. ബുധനാഴ്ച രാവിലെ കൊച്ചിയിലെ സിനിമാലൊക്കേഷനില് എത്തിയപ്പോഴായിരുന്നു മമ്മൂട്ടി അഭിനന്ദിച്ചത്.
മമ്മൂട്ടിയുമായും അദ്ദേഹത്തിന്റെ നേതൃത്വത്തില് നടക്കുന്ന സാമൂഹിക പ്രവര്ത്തനങ്ങളുമായും ഏറെ അടുപ്പം സൂക്ഷിക്കുന്ന ഓഫീസറാണ് രാജ്കുമാര്.തലയോലപ്പറമ്പ് സ്വദേശിയാണ് പി.രാജ്കുമാര്
ലഹരി വിരുദ്ധ ക്യാംപെയ്നുമായി ബന്ധപ്പെട്ട് അദ്ദേഹം ഹ്രസ്വ സിനിമകളും സംവിധാനം ചെയ്തിരുന്നു. ഇതുമായി ബന്ധപ്പെട്ട ആവശ്യങ്ങള്ക്കായാണ് മമ്മൂട്ടിയെ രാജ്കുമാര് സന്ദര്ശിച്ചത്. കെയര് ആന്ഡ് ഷെയര് ഷെയര് ഡയറക്ടര്മാരായ എസ്.ജോര്ജ്, റോബര്ട്ട് കുര്യാക്കോസ്, രാജഗിരി ആശുപത്രി ജനറല് മാനേജര് ജോസ് പോള് എന്നിവരും സന്നിഹിതരായിരുന്നു.
