ഹേമ കമ്മിറ്റി റിപ്പോര്ട്ട് പുറത്തു വിടണമെന്ന് ദേശീയ വനിതാ കമ്മീഷന്.ചീഫ് സെക്രട്ടറിയോട് ഹേമ കമ്മിറ്റി റിപ്പോര്ട്ട് കമ്മിഷന് ആവശ്യപ്പെട്ടിട്ടുണ്ട്.15 ദിവസത്തിനകം മറുപടി ലഭിച്ചില്ലെങ്കില് അന്വേഷണത്തിനായി സംഘത്തെ നിയോഗിക്കുമെന്ന് കമ്മിഷന് വ്യക്തമാക്കി. ഡബ്ല്യുസിസി നിരന്തരം പരാതി നല്കുകയാണെന്ന് കമ്മിഷന് അധ്യക്ഷ രേഖ ശര്മ പറഞ്ഞു. പരാതിക്കാര്ക്കും റിപ്പോര്ട്ട് കൈമാറാന് സര്ക്കാരിന് ഉത്തരവാദിത്തമുണ്ട്. ഹേമ കമ്മിറ്റി റിപ്പോര്ട്ട് നല്കണമെന്ന് ദേശീയ വനിതാ കമ്മീഷന് നേരത്തെ തന്നെ ആവശ്യപ്പെട്ടിരുന്നതാണ്. എന്നാല് ഇതുവരെ റിപ്പോര്ട്ട് നല്കിയിട്ടില്ല. റിപ്പോര്ട്ട് നല്കണമെന്ന് ആവശ്യപ്പെട്ട് ഇന്ന് വീണ്ടും ചീഫ് സെക്രട്ടറിക്ക് നോട്ടീസ് നല്കിയിട്ടുണ്ട്. 15 ദിവസത്തിനകം റിപ്പോര്ട്ട് നല്കാനാണ് ആവശ്യപ്പെട്ടിട്ടുള്ളത്.മറുപടി നല്കിയില്ലെങ്കില് വനിതാ കമ്മീഷന് നേരിട്ട് വിഷയത്തില് ഇടപെടുമെന്ന് രേഖ ശര്മ്മ പറഞ്ഞു.കേരളത്തിലെ സിനിമാമേഖലയിലെ പ്രശ്നങ്ങള് പഠിക്കുന്നതിന് വേണ്ടി പ്രത്യേക സമിതി രൂപീകരിക്കും. വിഷയത്തില് സംസ്ഥാന സര്ക്കാരിന് ഉത്തരവാദിത്തമുണ്ട്. പ്രൊഡക്ഷന് ഹൗസുകളില് ആഭ്യന്തര പരാതി പരിഹാര സംവിധാനമില്ല. മൂന്ന് മാസത്തിനകം തന്നെ റിപ്പോര്ട്ട് പുറത്തുവിടണമായിരുന്നു. പരാതിക്കാര്ക്ക് റിപ്പോര്ട്ട് ലഭ്യമാക്കണമെന്നും സംസ്ഥാന സര്ക്കാരിന് മെല്ലെപ്പോക്ക് നയമാണെന്നും രേഖ ശര്മ കുറ്റപ്പെടുത്തി.
ഹേമ കമ്മിറ്റി റിപ്പോര്ട്ട് പുറത്തുവിടണമെന്ന് ദേശീയ വനിതാ കമ്മിഷന്,സർക്കാരിനും വിമർശനം,
