സിൽവർ ലൈൻ പദ്ധതിയിൽ വിമർശകരെ കേൾക്കാനും മറുപടി നൽകാനും സർക്കാർ.സില്വര് ലൈനിന്റെ സാങ്കേതിക വശത്തെ കുറിച്ച് ശക്തമായ എതിര്പ്പ് ഉന്നയിച്ച മുന് റെയില്വേ എന്ജിനിയീര് അലോക് വര്മയടക്കമുള്ളവരെ സർക്കാർ കേൾക്കും ഏപ്രിൽ 28 ന് തിരുവനന്തപുരത്താണ് പരിപാടി സംഘടിപ്പിക്കുക. അലോക് വർമയെ കൂടാതെ , ആർവിജി മേനോൻ, ജോസഫ് സി മാത്യു എന്നിവരുമായി സർക്കാർ പ്രതിനിധികൾ ചർച്ച നടത്തും. കെ റെയിലിനെ അനുകൂലിക്കുന്ന വിദഗ്ധരും ചർച്ചയിൽ പങ്കെടുക്കും. അതേസമയം, കെ റെയിൽ വിരുദ്ധ സമരക്കാർക്ക് ചർച്ചക്ക് ക്ഷണം ഇല്ല.
അതേസമയം സില്വര്ലൈന് കല്ലിടലിനും ഇതിനെത്തുടര്ന്നുള്ള പൊലീസ് നടപടിക്കുമെതിരായ പ്രതിഷേധങ്ങള് കടുക്കുന്നതിനിടെ ഇന്നും സര്വേ കല്ലിടല് തുടരും. ഉദ്യോഗസ്ഥരെ ഇന്നും തടയാന് തന്നെയാണ് പ്രതിഷേധക്കാരുടെ തീരുമാനം. ഒരു ഇടവേളയ്ക്ക് ശേഷം ഇന്നലെയാണ് വീണ്ടും കല്ലിടല് നടപടികള് ആരംഭിച്ചിരുന്നത്.സി.പി.എം പാര്ട്ടി കോണ്ഗ്രസില് പോലും കെ.റെയില് പ്രധാന ചര്ച്ചയായിട്ടും ജനങ്ങളെ ഇതിന്റെ എല്ലാ വശങ്ങളേയും കുറിച്ച് കൃത്യമായി ബോധിപ്പിക്കാനായിട്ടില്ലെന്നാണ് സര്ക്കാര് കണക്ക് കൂട്ടുന്നത്.