ഷാഹിദ കമാലിനെതിരായ ഹര്ജി ലോകായുക്ത തള്ളി.വിദ്യാഭ്യാസ യോഗ്യത വ്യാജമാണെന്ന് തെളിയിക്കാൻ പരാതിക്കാരിക്ക് കഴിഞ്ഞില്ലെന്ന് ലോകായുക്ത പറഞ്ഞു. കേസില് പരാതിക്കാർക്ക് വിജിലൻസിനെയോ ക്രൈംബ്രാഞ്ചിനെയോ സമീപിക്കാമെന്നും ലോകായുക്ത അറിയിച്ചു.ഷാഹിദ കമാലിന്റെ ഡോക്ടറേറ്റ് വ്യാജമെന്നായിരുന്നു ലോകായുക്തയില് ഉന്നയിച്ച പരാതി. വനിതാ കമ്മീഷന് അംഗം ഷാഹിദ കമാല് തിരഞ്ഞെടുപ്പില് മത്സരിക്കാനും വനിതാ കമ്മീഷന് അംഗമാകാനും ഹാജരാക്കിയത് തെറ്റായ വിദ്യാഭ്യാസ യോഗ്യതയാണെന്നും അതിനാല് അവർക്ക് വനിത കമ്മീഷന് അംഗമായി തുടരാനാകില്ലെന്നും പരാതിയില് ചൂണ്ടിക്കാണിച്ചിരുന്നു.കസാക്കിസ്ഥാനിലെ ഓപ്പണ് യൂണിവേഴ്സിറ്റി ഓഫ് കോംപ്ലിമെന്ററി മെഡിസിനില് നിന്നാണ് തനിക്ക് ഡോക്ടറേറ്റ് ലഭിച്ചതെന്നാണ് ഷാഹിദ കമാല് ലോകായുക്തയ്ക്ക് നല്കിയ മറുപടിയില് ഷാഹിദ പറഞ്ഞിരുന്നത്.
സാമൂഹിക രംഗത്ത് താന് നടത്തിയ മികച്ച പ്രവര്ത്തനങ്ങള്ക്ക് നല്കിയ ഓണററി ഡോക്ടറേറ്റാണിതെന്നാണ് അവരുടെ വിശദീകരണം
