ബെംഗളൂരു: കള്ളപ്പണം വെളുപ്പിക്കല് കേസിൽ അറസ്റ്റിലായ ശിവകുമാറീനു പിന്തുണയുമായി കര്ണാടക മുന് മുഖ്യമന്ത്രി എച്ച്.ഡി കുമാരസ്വാമി. ഭീഷണിയാകും എന്ന് കരുതുന്ന പ്രതിപക്ഷ നേതാക്കളെ ബി.ജെ.പി വേട്ടയാടുകയാണെന്ന് അദ്ദേഹം പറഞ്ഞു. അറസ്റ്റില് പ്രതിഷേധിച്ച് ഇന്നലെ രാത്രി തെരുവിലിറങ്ങിയ കോണ്ഗ്രസ് പ്രവര്ത്തകര് ബെംഗളൂരു, മൈസൂരു പാതയടക്കം മണിക്കൂറുകളോളം ഉപരോധിച്ചു. കര്ണാടക ആര്.ടി.സി ബസുകള്ക്ക് നേരെ കല്ലേറിഞ്ഞു.
ഒരു ദിവസം പോലും വിശ്രമം അനുവദി ദിവസങ്ങള് നീണ്ട ചോദ്യം ചെയ്യലുകൾക്ക് ശേഷം എന്നിട്ടും എന്ഫോഴ്സ്മെന്റ് ഡയറക്ടറേറ്റ് ഡി.കെ ശിവകുമാര് സഹകരിച്ചില്ലെന്ന് പറയുന്നത് ശരിയല്ലെന്ന് കുമാരസ്വാമി ട്വീറ്റ് ചെയ്തു.
കര്ണാടകത്തിൽ ഇന്ന് ജനതാദൾ എസും,കോൺഗ്രസ്സും,വൊക്കലിഗ സമുദായ സംഘടനകളും വ്യാപകമായി പ്രതിഷേധ പരിപാടികൾ സംഘടിപ്പിക്കും. തന്റെ അറസ്റ്റിനു പിന്നില് ബി.ജെ.പിയുടെ രാഷ്ട്രീയ വൈര്യമാണെന്നാണ് ശിവകുമാര് പ്രതികരിച്ചത്.
