തമിഴ്നാട് മുഖ്യമന്ത്രി എം.കെ. സ്റ്റാലിന് ജന്മദിനാശംസകളുമായി എത്തിയ നടന് ഫഹദ് ഫാസിലിന്റെ ചിത്രങ്ങളും സന്ദർശനവുമെല്ലാം വാർത്തയായിരുന്നു. സംവിധായകന് മാരി സെല്വരാജിനൊപ്പം സ്റ്റാലിനെ നേരില് സന്ദര്ശിച്ചാണ് താരം ആശംസകള് അറിയിച്ചത്. ഉദയനിധി സ്റ്റാലിനും ഒപ്പമുണ്ടായിരുന്നു.ബഹുമാനപ്പെട്ട തമിഴ്നാട് മുഖ്യമന്ത്രി എംകെ സ്റ്റാലിന് ജന്മദിനാശംസകള്. സാമൂഹിക നീതിയുടെ ഉന്നതി താങ്കളുടെ ഭരണ കാലത്തായിരിക്കട്ടെ എന്ന തലക്കെട്ടോടുകൂടിയാണ് മാരി സെല്വരാജ് ചിത്രം പങ്കുവെച്ചത്.
മാരി സെല്വരാജ് ‘കര്ണന്’ എന്ന ചിത്രത്തിന് ശേഷമൊരുക്കുന്ന പുതിയ പ്രൊജക്ടില് ഫഹദ് ഫാസില് നായകനായി എത്തുന്നു എന്നായിരുന്നു ഇതിന് പിന്നാലെ സോഷ്യല് മീഡിയയില് പ്രചരിപ്പിക്കപ്പെട്ടത്.എന്നാൽ പരിയേറും പെരുമാള്, കര്ണന് എന്നീ ചിത്രങ്ങള്ക്കു ശേഷം മാരി സെല്വരാജ് സംവിധാനം ചെയ്യുന്ന പുതിയ ചിത്രത്തില് ഫഹദ് ഫാസില് അഭിനയിക്കുന്നുണ്ട്. ഉദയനിധി സ്റ്റാലിൻ നായകനാകുന്ന സിനിമയിൽ വില്ലന് കഥാപാത്രത്തെയാകും ഫഹദ് അവതരിപ്പിക്കുക.
ധനുഷായിരുന്നു കര്ണന് എന്ന സിനിമയിലെ നായകന്. കീര്ത്തി സുരേഷാണ് നായിക. വടിവേലുവും ഈ ചിത്രത്തില് പ്രധാന റോളിലെത്തുന്നത്. ഫഹദ് ഫാസില് മാരി സെല്വരാജ് ചിത്രത്തില് വില്ലനായാണ് എത്തുന്നതെന്ന് നേരത്തെ തമിഴ് മാധ്യമങ്ങള് റിപ്പോര്ട്ട് ചെയ്്തിരുന്നു.
