യുക്രൈനികളുടെ ആത്മാഭിമാനം വാനോളമുയര്ത്തി ആയുധം താഴെ വയ്ക്കില്ലെന്ന് പ്രഖ്യാപിച്ച് യുക്രൈന് പ്രസിഡന്റ് വ്ളോഡിമര് സെലന്സ്കി. ഔദ്യോഗിക വസതിക്ക് മുന്നില് നിന്നുള്ള പുതിയ ട്വിറ്റര് വീഡിയോയിലൂടെയാണ് സെലന്സ്കി കീഴടങ്ങാനൊരുക്കമല്ലെന്ന് വ്യക്തമാക്കിയത്
സേനയോട് കീഴടങ്ങാന് നിര്ദേശിച്ചുവെന്ന വാര്ത്തകള് വ്യാജ പ്രചാരണം മാത്രമാണെന്നും സെലന്സ്കി പറഞ്ഞു.
500 റഷ്യന് സൈനികരെ വധിച്ചെന്നും ഇരുനൂറിലധികം റഷ്യന് സൈനികരെ തടവിലാക്കിയിട്ടുണ്ടെന്നുമാണ് ഉക്രൈന് അവകാശ വാദം . റഷ്യയുടെ 14 വിമാനങ്ങളും 8 ഹെലികോപ്റ്ററുകളും 102 ടാങ്കറുകളും തകര്ത്തെന്നാണ് യുക്രൈന് സൈന്യം പറയുന്നുണ്ട്.
യുക്രൈന്റെ തലസ്ഥാനമായ കീവില് നിന്ന് രക്ഷപ്പെടുത്താമെന്ന അമേരിക്കയുടെ സഹായവാഗ്ദാനം യുക്രൈന് പ്രസിഡന്റ് വ്ളോഡിമര് സെലന്സ്കി നേരത്തെ നിരസിച്ചിരുന്നു. റഷ്യയുമായുള്ള ചര്ച്ചാവേദി ബെലാറസിന് നിന്ന് ഇസ്രായേലിലേക്ക് മാറ്റണമെന്നും യുക്രൈന് ആവശ്യപ്പെട്ടു. ബെലാറസ് എല്ലായിപ്പോഴും റഷ്യയ്ക്കൊപ്പം നില്ക്കുന്ന രാജ്യമാണെന്ന് ചൂണ്ടിക്കാട്ടിയാണ് യുക്രൈന്റെ പുതിയ ആവശ്യം. അതേസമയം, സ്വകാര്യ റഷ്യന് വിമാനങ്ങള്ക്ക് പറക്കാന് വ്യോമപാത അനുമതിക്കില്ലെന്ന് ബ്രിട്ടന് വ്യക്തമാക്കി.