നടിയെ ആക്രമിച്ച കേസിൽ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയ കേസില് നടന് ദിലീപിന്റെ മുന്കൂര് ജാമ്യ ഹര്ജി ഹൈക്കോടതി വെള്ളിയാഴ്ച പരിഗണിക്കാന് മാറ്റി. പ്രോസിക്യൂഷന് കൂടുതല് സമയം തേടിയതിനെത്തുടര്ന്നാണ് ജാമ്യാപേക്ഷ മാറ്റിയത്. കേസില് ദിലീപിനെ അറസ്റ്റ് ചെയ്യുന്നതിനുള്ള വിലക്ക് വെള്ളിയാഴ്ച വരെ തുടരും.ദിലീപിന്റേത് അടക്കം ആറ് പ്രതികളുടെ ജാമ്യാപേക്ഷയാണ് ഹൈക്കോടതി വെള്ളിയാഴ്ച്ചത്തേക്ക് മാറ്റിയത്.ചോദ്യം ചെയ്യലിനൊ, പരിശോധനകൾക്കോ, റെയ്ഡിനോ ഒരു തരത്തിലുള്ള വിലക്കും കോടതി ഏർപ്പെടുത്തിയിട്ടില്ല. കസ്റ്റഡിയിൽ എടുക്കുന്നതിനും ചോദ്യം ചെയ്യുന്നതിനും തടസങ്ങളില്ല.
ദിലീപ്, സഹോദരന് അനൂപ്, സഹോദരീ ഭര്ത്താവ് സൂരജ് എന്നിവര് ഉള്പ്പെടെയുള്ളവര് ഗൂഢാലോചന നടത്തിയെന്ന കേസില് മുന്കൂര് ജാമ്യം ആവശ്യപ്പെട്ടാണ് ഹര്ജി. അനൂപും സൂരജും അപ്പു, സുഹൃത്ത് ബൈജു ചെങ്ങമനാട് എന്നിവരും മുന്കൂര് ജാമ്യം തേടിയിട്ടുണ്ട്.
ദിലീപിന്റെ മറ്റൊരു സുഹൃത്തും കേസിലെ ആറാം പ്രതിയുമായ ശരത്ത് നല്കിയ മുന്കൂര് ജാമ്യാപേക്ഷയും ഹൈക്കോടതി വെള്ളിയാഴ്ചയിലേക്കു മാറ്റി. ഇന്നലെ ശരത്തിന്റെ വീട്ടിലും സുരാജിന്റെ വീട്ടിലും െ്രെകംബ്രാഞ്ച് റെയ്ഡ് നടത്തിയിരുന്നു.
