ബസ് ചാര്ജ് വർധിപ്പിക്കുന്നതുമായി ബന്ധപ്പെട്ട് ബസ് ഉടമകളുമായി ഗതാഗതമന്ത്രി ആന്റണി രാജു വൈകീട്ട് 4.30 ന് തിരുവനന്തപുരത്ത് വെച്ച് ചർച്ച നടത്തും.
മിനിമം ചാര്ജ് 12 രൂപയായി ഉയര്ത്തുക, വിദ്യാര്ഥികളുടെ കണ്സെഷന് മിനിമം ആറ് രൂപയാക്കുക തുടങ്ങിയവയാണ് ബസ് ഉടമകള് മുന്നോട്ടുവച്ച പ്രധാന ആവശ്യങ്ങള്. ഇതിൽ ചാർജ് വർധനക്ക് ഇടതുമുന്നണിയോഗത്തിൽ ധാരണയായിരുന്നു.
ജസ്റ്റിസ് രാമചന്ദ്രൻ കമ്മീഷന്റെ ശുപാര്ശ അനുസരിച്ചാണ് നിരക്ക് വർധിപ്പിക്കുന്നത്. രണ്ടര കിലോമീറ്ററിന് മിനിമം നിരക്ക് എട്ടില് നിന്ന് പത്താക്കണമെന്ന ശുപാർശയാണ് കമ്മിഷൻ മുന്നോട്ടുവച്ചത്. കഴിഞ്ഞ വര്ഷം ജൂണിലാണ് കമ്മിഷൻ റിപ്പോര്ട്ട് നല്കിയത്.
