കുറുപ്പ് സിനിമ പുറത്തിറങ്ങിയതു മുതല്‍ കുറുപ്പുമായി രൂപസാദൃശ്യമുള്ള ആളുകളെ കുറിച്ചുമുള്ള വാര്‍ത്തകളും പുറത്തു വരാറുണ്ട്. ഇപ്പോൾ സുകുമാരക്കുറുപ്പ് താനല്ലെന്ന കുറിപ്പുമായി വിദ്യാഭ്യാസ മന്ത്രി വി ശിവൻകുട്ടി രംഗത്തെത്തിയിരിക്കുകയാണ് . ഒരു ചിത്രം ഫേസ്ബുക്കിൽ പങ്കുവച്ച മന്ത്രി എഴുതിയ കുറിപ്പ് ശ്രദ്ധേയമാവുകയാണ്. കുറുപ്പിന്റെയും ശിവൻ കുട്ടിയുടെയും ചിത്രം ചേർത്തുവച്ച് ആരോ പങ്കുവച്ച പോസ്റ്റാണ് മന്ത്രി പങ്കുവച്ചിരിക്കുന്നത്. ‘ എന്തോ എവിടെയോ ഒരു തകരാറു പോലെ’ എന്ന കാപ്ഷനിലുള്ള ഒരു ട്രോൾ പോസ്റ്റിന്റെ സ്ക്രീൻ ഷോട്ടാണ് മന്ത്രി പങ്കുവച്ചരിക്കുന്നത്.
കൂടെ , ‘ഞാനല്ല സുകുമാര കുറുപ്പ് കേട്ടോ… കുട്ടികളെ ട്രോളിയപ്പോഴും ഞാനിത് പറഞ്ഞതാണ്.. ഇങ്ങിനല്ല രാഷ്ട്രീയം പറയേണ്ടത്’- എന്ന കുറിപ്പും മന്ത്രി കുറിക്കുന്നു.
