അനിയന്ത്രിത ഗ്യാസ് വില; കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കുന്ദമംഗലം യൂണിറ്റ് പ്രതിഷേധ സംഗമം സംഘടിപ്പിച്ചു

ഗ്യാസ് വില അനിയന്ത്രിതമായി വർദ്ധിപ്പിക്കുന്നതിനെതിരെ കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ ( KHRA) കുന്ദമംഗലം യൂണിറ്റ് പ്രതിഷേധ സംഗമം സംഘടിപ്പിച്ചു ഒരു വർഷം കൊണ്ട് 100% വിലവർധനവാണ് ഉണ്ടായിട്ടുള്ളത് ഈ മാസം തന്നെ സിലിണ്ടർ ഒന്നിന് 262 രൂപയാണ് വർദ്ധിപ്പിച്ചിട്ടുള്ളത് പെട്രോളിയം ഉൽപന്നങ്ങളുടെ വില ദിവസവും മാറിക്കൊണ്ടിരിക്കുന്നു നിത്യോപയോഗ സാധനങ്ങളുടെ വില പിടിച്ചുനിർത്താൻ സർക്കാരിന് സാധിക്കുന്നില്ല കോവി ഡ് മഹാമാരിയും പ്രകൃതി ദുരന്തങ്ങളും ലോക്ക് ഡൗണും ഈ മേഖലയിലെ ചെറുകിട ഇടത്തരം കച്ചവടക്കാരെ തകർത്തിരിക്കുകയാണ് പൊതുസമൂഹത്തിന് നല്ല ഭക്ഷണം വിളമ്പുവാനും അതിജീവനവും ഉപജീവനവും ഒന്നിച്ച് കൊണ്ടു പോകുവാനും കഴിയുന്നില്ല ഞങ്ങളെ ആശ്രയിച്ചു ജോലി ചെയ്യുന്ന തൊഴിലാളികളെ സംരക്ഷിക്കുന്നതിനും ഈ മേഖല പിടിച്ചുനിർത്തുന്നതിനും വർധിപ്പിച്ച ഗ്യാസ് വില പിൻവലിക്കണമെന്ന് സമരത്തിൽ ആവശ്യപ്പെട്ടു. കുന്ദമംഗലം അങ്ങാടിയിൽ നടന്ന പ്രതിഷേധ പ്രകടന പരിപാടികൾക്ക് കുന്ദമംഗലം യൂണിറ്റ് പ്രസിഡണ്ട് നൗഷാദ് താസ വർക്കിംഗ് പ്രസിഡണ്ട് കെ ആർ ഹസ്സൻ കോയ സെക്രട്ടറി അഷ്റഫ് പതിമംഗലം എന്നിവർ നേതൃത്വം നൽകി അനുകൂലമായ നടപടി സർക്കാർ സ്വീകരിച്ചില്ലെങ്കിൽ ജില്ലാ കമ്മിറ്റിയുടെ നേതൃത്വത്തിൽ ശക്തമായ പ്രക്ഷോഭ പരിപാടികൾ നടത്തുമെന്നു യൂണിറ്റ് ഭാരവാഹികൾ അറിയിച്ചു