ആസിഫ് അലിയെ പ്രധാന കഥാപാത്രമാക്കി ജിബു ജേക്കബ് സംവിധാനം ചെയ്യുന്ന ചിത്രമാണ് ‘എല്ലാം ശരിയാകും’ . വെള്ളിമൂങ്ങ, മുന്തിരിവള്ളികള് തളിര്ക്കുമ്പോള്, ആദ്യരാത്രി എന്നി ചിത്രങ്ങള്ക്കു ശേഷം ജിബു ജേക്കബ് സംവിധാനം ചെയ്യുന്ന ചിത്രമാണ് ‘എല്ലാം ശരിയാകും’
ചിത്രത്തിലെ ആദ്യ വീഡിയോ ഗാനം പുറത്തിറക്കിയിരിക്കുകയാണ് അണിയറപ്രവർത്തകർ. ‘പിന്നെന്തെ എന്തേ മുല്ലെ’ എന്നു തുടങ്ങുന്ന ഗാനം ആലപിച്ചിരിക്കുന്നത് കെ എസ് ഹരിശങ്കറാണ് .ബി കെ ഹരിനാരായണന്റെ വരികള്ക്ക് സംഗീതം നല്കിയിരിക്കുന്നത് ഔസേപ്പച്ചനാണ്. അദ്ദേഹം സംഗീത സംവിധാനം നിര്വഹിക്കുന്ന ഇരുന്നൂറാമത്തെ ചിത്രമാണ് എല്ലാം ശെരിയാകും.
രജിഷ വിജയനും ആസിഫ് അലിയുമാണ് ഗാന രംഗങ്ങളില് ഉള്ളത്. ചിത്രം നവംബര് 19ന് തീയേറ്ററുകളില് എത്തും.
സിദ്ദിഖ്, കലാഭവന് ഷാജോണ്, സുധീര് കരമന, ജോണി ആന്റണി, ജെയിംസ് ഏല്യ, ജോര്ഡി പൂഞ്ഞാര്, സേതു ലക്ഷമി എന്നിവരാണ് ചിത്രത്തില് മറ്റ് കഥാപാത്രങ്ങളെ അവതരിപ്പിക്കുന്നത്.
തോമസ്സ് തിരുവല്ല ഫിലിംസ്,ഡോക്ടര് പോള്സ് എന്റര്ടൈയ്ന്മെന്റ് എന്നിവയുടെ ബാനറില് തോമസ് തിരുവല്ല, ഡോക്ടര് പോള് വര്ഗീസ് എന്നിവര് ചേര്ന്നാണ് ചിത്രം നിര്മ്മിക്കുന്നത്. . ഛായാഗ്രഹണം ശ്രീജിത്ത് നായര് നിര്വ്വഹിക്കുന്നു.
എഡിറ്റര്-സൂരജ് ഇ എസ്, പ്രൊഡക്ഷന് കണ്ട്രോളര്-മനോജ് പൂങ്കുന്നം, കല-ദിലീപ് നാഥ്, മേക്കപ്പ്-റഹീം കൊടുങ്ങല്ലൂര്, വസ്ത്രാലങ്കാരം-നിസ്സാര് റഹ്മത്ത്, സ്റ്റില്സ്-ലിബിസണ് ഗോപി, അസോസിയേറ്റ് ഡയറക്ടര്-രാജേഷ് ഭാസ്ക്കര്, ഡിബിന് ദേവ്,അസിസ്റ്റന്റ് ഡയറക്ടര്-ഷാബില്, സിന്റോ സണ്ണി, പ്രൊഡക്ഷന് എക്സിക്യൂട്ടീവ്-ഉണ്ണി പൂങ്കുന്നം, ഷിന്റോ ഇരിങ്ങാലക്കുട, പ്രൊഡക്ഷന് മാനേജര്-അനീഷ് നന്ദിപുല.
