കല്ലുവാതുക്കൽ കരിയിലകൂനയില് ഉപേക്ഷിക്കപ്പെട്ട നവജാതശിശു മരണപ്പെട്ട കേസില് പ്രതിയായ അമ്മ രേഷ്മയ്ക്ക് ജാമ്യം. അറസ്റ്റിലായി 90 ദിവസത്തിന് ശേഷവും പൊലീസ് കുറ്റപത്രം സമര്പ്പിക്കാത്തതിനാല് രേഷ്മയ്ക്ക്സ്വാഭാവിക ജാമ്യം ലഭിക്കുകയായിരുന്നു. രേഷ്മയുടെ ഭര്ത്താവായ വിഷ്ണുവാണ് ജാമ്യത്തിലിറക്കിയിരിക്കുന്നത്. പാരിപ്പള്ളി പൊലീസ് സ്റ്റേഷന് പരിധി വിട്ടുപോകരുതെന്ന ഉപാധിയോടെയാണ് ജാമ്യം അനുവദിച്ചിട്ടുള്ളത്.
തിരുവനന്തപുരം അട്ടക്കുളങ്ങര വനിതാ ജയിലിലായിരുന്നു രേഷ്മ റിമാന്ഡില് കഴിഞ്ഞിരുന്നത്. അതേസമയം, ഈ മാസം തന്നെ കേസിലെ കുറ്റപത്രം പരവൂര് കോടതിയില് സമര്പ്പിക്കാനുള്ള ശ്രമത്തിലാണ് പൊലീസ്. കേസിലെ പ്രധാന തെളിവുകളായ ഫേസ്ബുക്കിന്റെ അമേരിക്കയിലെ സെര്വറില് നിന്നുള്ള വിവരങ്ങള് ലഭിക്കാത്തതിനാലാണ് കുറ്റപത്രം വൈകുന്നത്.
