കോഴിക്കോട് പൊറ്റമ്മലിലെ സ്ലാബ് തകര്ന്നുവീണുണ്ടായ അപകടം; ചികിത്സയിലായിരുന്ന തൊഴിലാളി മരിച്ചു
കോഴിക്കോട് പൊറ്റമ്മലിൽ സ്ലാബ് തകര്ന്നുവീണ് ചികിത്സയിലായിരുന്ന തമിഴ്നാട് സ്വദേശി ഗണേശ് മരിച്ചു. ഇതോടെ മരണസംഖ്യ മൂന്നായി.കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.
സെപ്റ്റംബർ 26നായിരുന്നു അപകടം. കോഴിക്കോട് തൊണ്ടയാട് ബൈപ്പാസിനു സമീപം നിര്മ്മാണത്തിലിരുന്ന കെട്ടിടത്തിന്റെ കോണ്ക്രീറ്റ് സ്ലാബ് തകർന്ന് വീഴുകയായിരുന്നു. നിര്മാണ പ്രവര്ത്തനങ്ങളില് ഏര്പ്പെട്ടിരുന്ന എട്ടുപേരില് അഞ്ച് പേരാണ് അപകടത്തില്പ്പെട്ടത്. ഉടന് തന്നെ പൊലീസും ഫയര്ഫോഴ്സും നാട്ടുകാരും ചേര്ന്ന് രക്ഷാപ്രവര്ത്തനം നടത്തി.
തമിഴ്നാട് സ്വദേശികളായ. കാർത്തിക്, സലീം എന്നിവരാണ് അപകട ദിവസം തന്നെ മരിച്ചത്. പരിക്കേറ്റ തങ്കരാജ് (32), ജീവാനന്ദം (22) എന്നിവർ ഇപ്പോഴും ചികിത്സയിലാണ്.
നിർമ്മാണ പ്രവർത്തനങ്ങൾക്കിടയിലുണ്ടായ അശ്രദ്ധയാണ് അപകടത്തിന് കാരണമായതെന്നാണ് പ്രാഥമിക വിലയിരുത്തൽ.
