സംസ്ഥാനത്ത് സര്ക്കാര് ജീവനക്കാര്ക്കുള്ള കൊവിഡ് മാനദണ്ഡങ്ങള് പരിഷ്കരിച്ചു. കോവിഡ് പോസിറ്റീവായ സര്ക്കാര് ജീവനക്കാര്ക്ക് ഇനി ഏഴ് ദിവസം കഴിഞ്ഞാൽ ഓഫിസില് ഹാജരാകാം. ജോലിയിൽ പ്രവേശിക്കുമ്പോൾ നെഗറ്റീവായിരിക്കണം.രോഗം ബാധിച്ചവര്ക്കും പ്രാഥമിക സമ്പര്ക്കമുള്ളവര്ക്കും പ്രത്യേക അവധി നല്കും. അവധി ദുരുപയോഗം ചെയ്താന് കര്ശന നടപടിയുണ്ടാകുമെന്നും മുന്നറിയിപ്പുണ്ട്.
നിലവില് കോവിഡ് ബാധിച്ചവരെ പത്താം ദിവസമാണ് നെഗറ്റീവ് ആയി എന്ന് കണക്കാക്കുന്നത്. നെഗറ്റീവായോ എന്നറിയാന് പരിശോധനയും ഒഴിവാക്കിയിരുന്നു. മാത്രവുമല്ല നെഗറ്റീവായശേഷം ഏഴ് ദിവസം കൂടി നിരീക്ഷണത്തില് കഴിയണമെന്ന നിബന്ധനയും ഉണ്ട്. ഇതിലാണ് മാറ്റം വരുത്തിയത്. സര്ക്കാര് ജീവനക്കാര് മൂന്ന് മാസത്തിനുള്ളില് കോവിഡ് ഭേദമായവരാണെങ്കില് രോഗികളുമായി സമ്പര്ക്കത്തില് വന്നാലും ക്വാറന്റൈനില് പോകേണ്ടതില്ലെന്നും ഉത്തരവില് പറയുന്നു.
മൂന്നു മാസത്തിനിടെ കോവിഡ് വന്നവര് പ്രാഥമിക സമ്പര്ക്കത്തില് വന്നാൽ ക്വാറന്റീനിൽ ഇരിക്കേണ്ട . ഈ ഇളവ് സര്ക്കാര് ,അര്ധസര്ക്കാര് , പൊതുമേഖലാ സ്ഥാപനങ്ങളിലെ ജീവനക്കാര്ക്കാണ്.
