മുഖ്യമന്ത്രിക്കെതിരെ കൊടിക്കുന്നില് സുരേഷ് എംപി നടത്തിയ പരാമര്ശത്തില് വിമര്ശനവുമായി എംഎല്എ കെകെ ശൈലജ രംഗത്ത് .കൊടിക്കുന്നില് സുരേഷ് എം.പി നടത്തിയ പരാമര്ശം തികച്ചും അപലപനീയമാണ്. ഇരുളാണ്ട ഫ്യൂഡല് കാലഘട്ടത്തിലെ മനോഭാവങ്ങളില് നിന്ന് മുക്തമാകാത്ത മനസ്സുള്ളവരില് നിന്നു മാത്രമേ ഇത്തരമൊരു പരാമര്ശം ഉണ്ടാവുകയുള്ളൂവെന്ന് കെകെ ശൈലജ ഫെയ്സ്ബുക്കില് കുറിച്ചു.
കേരളത്തിൻറെ മുഖ്യമന്ത്രിയും കമ്മ്യൂണിസ്റ്റ് പാർട്ടിയുടെ പി.ബി അംഗവുമായ സ: പിണറായിക്കെതിരെ കൊടിക്കുന്നിൽ സുരേഷ് എം.പി നടത്തിയ പരാമർശം തികച്ചും അപലപനീയമാണ്. ഇരുളാണ്ട ഫ്യൂഡൽ കാലഘട്ടത്തിലെ മനോഭാവങ്ങളിൽ നിന്ന്
മുക്തമാകാത്ത മനസ്സുള്ളവരിൽ നിന്നു മാത്രമെ ഇത്തരമൊരു പരാമർശം ഉണ്ടാവുകയുള്ളു. പെൺകുട്ടികൾ സ്വതന്ത്രവ്യക്തികളാണെന്നും അവരുടെ ജീവിതപങ്കാളിയെ തിരഞ്ഞെടുക്കാനുള്ള അവകാശം അവർക്കുണ്ടെന്ന് അംഗീകരിക്കാനും കഴിയണമെങ്കിൽ അല്പം പുരോഗമനാശയമെങ്കിലും കൈവശമുണ്ടായിരിക്കണം. ഇത്തരം സ്ത്രീവിരുദ്ധ ആശയങ്ങൾക്കെതിരെ ശക്തമായ പ്രതികരണം ഉയരേണ്ടതാണ്.
അല്പം പുരോഗമനാശയമെങ്കിലും കൈവശമുണ്ടായിരിക്കണം;കൊടിക്കുന്നിലിന്റെ പരാമര്ശത്തില് വിമര്ശനവുമായി കെകെ ശൈലജ
