മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായ പ്രവാഹം
മാവൂർ ഗ്രാമപഞ്ചായത്തിലെ വിവിധ വ്യക്തികളും സംഘടനകളും വാക്സിൻ ചാലഞ്ചിൻ്റെ ഭാഗമായി മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സഹായധനം പി.ടി.എ റഹീം എം.എൽ.എക്കു കൈമാറി.
മാവൂർ സർവീസ് സഹകരണ ബാങ്ക് ഡയറക്ടർമാരും ജീവനക്കാരും ഒരുമാസത്തെ വേതനമായ 8 ലക്ഷം രൂപയാണ് നൽകിയത്. കൂലിപ്പണിക്കാരനായ ഈന്തുംകണ്ടിമേത്തൽ രാഘവനും പേരമക്കളും ചേർന്ന് 5,010 രൂപയും നവരഞ്ജിനി സ്വാശ്രയ സംഘം 10,000 രൂപയും കേരള സ്റ്റേറ്റ് സർവീസ് പെൻഷനേഴ്സ് യൂണിയൻ 40,000 രൂപയും എം.എൽ.എയെ ഏൽപ്പിച്ചു.
കോവിഡിൻ്റെ പ്രതിസന്ധി ഘട്ടത്തിലും നാടിന് കൈത്താങ്ങായി ഒപ്പം നിൽക്കാൻ വ്യക്തികളും സംഘടനകളും കാണിക്കുന്ന താല്പര്യം അഭിനന്ദനാർഹമാണെന്ന് എം.എൽ.എ അഭിപ്രായപ്പെട്ടു.
മാവൂർ ഗ്രാമപഞ്ചായത്ത് പ്രസിഡൻ്റ് പുലപ്പാടി ഉമ്മർ, സഹകരണ ബാങ്ക് പ്രസിഡൻ്റ് മാവൂർ വിജയൻ, എം രാഘവൻ മാസ്റ്റർ, മാനൊടുകയിൽ അബ്ദുള്ള, ഇ.എൻ ദേവദാസൻ, എ.പി മോഹൻദാസ്, എൻ.പി നിഖിൽ, ഇ.എൻ പ്രേമനാഥൻ, എം മനോഹരൻ, പുതുക്കുടി സുരേഷ്, കെ വത്സരാജ് തുടങ്ങിയവർ സംബന്ധിച്ചു.
നവരഞ്ജിനി സ്വാശ്രയ സംഘം മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള തുക പി.ടി.എ റഹീം എം.എൽ.എക്ക് കൈമാറുന്നു
മാവൂർ സർവീസ് സഹകരണ ബേങ്ക് ഡയരക്ടർമാരും ജീവനക്കാരും മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള 8 ലക്ഷം രൂപ പി.ടി.എ റഹീം എം.എൽ.എക്ക് കൈമാറുന്നു
കേരള സ്റ്റേറ്റ് സർവീസ് പെൻഷനേർസ് യൂണിയൻ മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള തുക പി.ടി.എ റഹീം എം.എൽ.എക്ക് കൈമാറുന്നു
