കൊവിഡിനെതിരെയുള്ള പോരാട്ടത്തിൽ ഇന്ത്യയിലെ ആദ്യത്തെ സമ്പൂർണ്ണ വാക്സിനേറ്റഡ് ജില്ലയാകാനുള്ള ലക്ഷ്യവുമായി ഉത്തർപ്രദേശിലെ ഗൗതംബുദ്ധ് നഗർ. ഈ ലക്ഷ്യം മുന്നിൽ കണ്ടാണ് കൊറോണക്കെതിരെയുള്ള പോരാട്ടം മുന്നോട്ട് കൊണ്ടുപോകുന്നതെന്ന് ജില്ലയിലെ മുതിർന്ന ഉദ്യോഗസ്ഥർ വ്യക്തമാക്കി. ആരോഗ്യ ഭരണനിർവ്വഹണ രംഗത്തെ ഉദ്യോഗസ്ഥരുമായും പൊലീസ് കമ്മീഷണർ അലോക് സിംഗുമായും നടത്തിയ വിർച്വൽ മീറ്റിംഗിലാണ് ജില്ലാ മജിസ്ട്രേറ്റ് ഈ സുഹാസ് എൽ വൈ ഈ ലക്ഷ്യത്തിന് വേണ്ടി ആഹ്വാനം ചെയ്തത്.
ജില്ലയിൽ സമ്പൂർണ്ണ വാക്സിനേഷൻ എന്ന ലക്ഷ്യം പ്രാവർത്തികമാക്കാൻ എല്ലാ ഉദ്യോഗസ്ഥരും പ്രതിജ്ഞാബദ്ധരായി നിലകൊള്ളണമെന്നും
ജില്ലാ മജിസ്ട്രേറ്റ് സുഹാസ് എൽ വൈ ആവശ്യപ്പെട്ടതായി ജില്ലാ ഇൻഫോർമേഷൻ ഓഫീസർ രാകേഷ് ചൗഹാൻ മാധ്യമങ്ങൾക്ക് നൽകിയ പ്രസ്താവനയിൽ പറഞ്ഞു. വാക്സിനേഷൻ വിഷയത്തിൽ ഉത്തർപ്രദേശിൽ രണ്ടാം സ്ഥാനമാണ് ഗൗതംബുദ്ധ് നഗറിനുള്ളത്. ഒന്നാണ് ലക്നൗ ആണ്
