ലക്ഷദ്വീപിെൻറ പാരമ്പര്യവും പൗരാവകാശവും ഹനിക്കുന്ന സംഘപരിവാർ അധിനിവേശം അവസാനിപ്പിക്കണമെന്നാവശ്യപ്പെട്ട് കോൺഗ്രസ് എം.പിമാരായ ഹൈബി ഈഡനും ടി.എൻ പ്രതാപനും ആവശ്യപ്പെട്ടു. കൊച്ചിയിലെ ലക്ഷദ്വീപ് അഡ്മിനിസ്ട്രേറ്റീവ് ഓഫിസിന് മുമ്പിലായിരുന്നു എം.പിമാരുടെ പ്രതിഷേധം. ആർ.എസ്.എസ് ഏജൻറായയ ലക്ഷദ്വീപ് അഡ്മിനിസ്ട്രേറ്റർ പ്രഫുൽ ഘോട പട്ടേലിനെ തിരിച്ചുവിളിക്കണമെന്ന് എം.പിമാർ ആവശ്യപ്പെട്ടു.
ഇന്നലെ യൂത്ത് കോൺഗ്രസ് പ്രവർത്തകർ അഡ്മിനിസ്ട്രേറ്റിവ് ഓഫിസിന് മുന്നിൽ നടത്തിയ സമരം നടത്തിയിരുന്നു. ലക്ഷദ്വീപ് നിവാസികളുടെ സംസ്കാരത്തിനുമേലുള്ള കടന്നുകയറ്റമാണ് അഡ്മിനിസ്ട്രേറ്റർ പ്രഫുൽ ഖോദ പട്ടേൽ നടത്തിക്കൊണ്ടിരിക്കുന്നതെന്ന് ഹൈബി ഈഡൻ ഉദ്ഘാടനം നിർവഹിച്ച് പ്രതികരിച്ചിരുന്നു.
കോവിഡ് മാനദണ്ഡങ്ങൾ പാലിച്ചുകൊണ്ട് രണ്ടുമണിക്കൂറോളം പ്രതിഷേധവുമായി എം.പിമാർ നിലയുറപ്പിച്ചു. ജമ്മുകശ്മീരിനെ തകർത്തതുപോലെയാണ് സംഘ്പരിവാർ ലക്ഷദ്വീപിനെ തകർക്കുന്നതെന്ന് ടി.എൻ പ്രതാപൻ എം.പി മാധ്യമങ്ങളോട് പ്രതികരിച്ചു.
