രണ്ടാം പിണറായി മന്ത്രിസഭയുടെ സത്യപ്രതിജ്ഞാ ചടങ്ങ് ലളിതമായി നടത്തി സര്ക്കാര് ജനങ്ങള്ക്ക് മാതൃകയാകണമെന്ന് പൂഞ്ഞാര് മുന് എംഎല്എ പിസി ജോര്ജ്. തെരഞ്ഞെടുപ്പ് വോട്ടെണ്ണല് ദിനത്തില് ചെയ്തതുപോലെ തന്നെ സത്യപ്രതിജ്ഞാ ചടങ്ങിനെത്തുന്നവര്ക്കും ആര്ടിപിസിആര് പരിശോധന നിര്ബന്ധമാണന്ന് മുഖ്യമന്ത്രി നിര്ദ്ദേശിക്കണമെന്നും പിസി ജോര്ജ് പറഞ്ഞു.
പിസി ജോര്ജിന്റെ ഫേസ്ബുക്ക് കുറിപ്പ്:
ബഹുമാനപെട്ട മുഖ്യമന്ത്രി,
കോവിഡ് മഹാമാരി കൊടുമ്പിരി കൊണ്ടിരിക്കുന്ന ഈ അവസരത്തിൽ സത്യപ്രതിജ്ഞ മാമാങ്കം നടത്തണോ വേണ്ടയോ എന്ന രീതിയിൽ പലവിധ ചർച്ചകൾ നടക്കുന്നു . ഈ പ്രതിസന്ധി ഘട്ടത്തിൽ ഒരു ഭരണകൂടം അധികാരം ഏറ്റെടുക്കേണ്ടത് ഈ നാടിനെ സംബന്ധിച്ച് അത്യന്താപേക്ഷിതമാണ് .
എന്നാൽ ഈ നാട് മുഴുവൻ അടച്ചിട്ടിരിക്കുന്ന ഈ അവസരത്തിൽ പരമാവധി മുൻകരുതലുകൾ എടുത്തു ഏറ്റവും ലളിതമായ രീതിയിൽ സത്യപ്രതിജ്ഞ നടത്തുന്നതാണ് ഉചിതം എന്നാണ് എന്റെ അഭിപ്രായം . ചടങ്ങിൽ പങ്കെടുക്കുന്ന എല്ലാവർക്കും ഇലക്ഷൻ കൗണ്ടിംഗ് ദിനത്തിൽ ചെയ്ത പോലെ ആർ.ടി.പി.സി.ആർ നെഗറ്റീവ് സർട്ടിഫിക്കറ്റ് നിർബന്ധമാക്കണം .മൃഗീയ ഭൂരിപക്ഷത്തിൽ അധികാരത്തിൽ എത്തിയ സർക്കാർ ജനങ്ങൾക്ക് മാതൃക സൃഷ്ടിക്കാൻ ബാധ്യസ്ഥരാണ്……
പി സി ജോർജ്
ഇതിനിടെ ചടങ്ങുകള് വെര്ച്വലായി നടത്തണമെന്ന ആവശ്യവുമായി ഇന്ത്യന് മെഡിക്കല് അസോസിയേഷനും രംഗത്തെത്തിയിരുന്നു. ഇത് കൊവിഡ് പ്രതിരോധത്തിന് വലിയ സന്ദേശം ആകുമെന്ന നിര്ദേശമാണ് ഐഎംഎ മുന്നോട്ട് വെച്ചത്. കൊവിഡ് അതിരൂക്ഷമായ സാഹചര്യത്തിലാണ് ഐഎംഎയുടെ അഭ്യര്ത്ഥന.
