എറണാകുളം ജില്ലയില് ചികിത്സയ്ക്ക് എത്തുന്നവരുടെ എണ്ണം കൂടുന്നു. അതിനാല് ഐസിയു ബെഡ്ഡുകള്ക്ക് ക്ഷാമമെന്ന് റിപ്പോര്ട്ട്. സര്ക്കാര്- സ്വകാര്യ ആശുപത്രികളില് ലഭ്യമായ ഐസിയു ബെഡ്ഡുകള് എല്ലാം നിറഞ്ഞു. ആശുപത്രികളില് കൂടുതല് ഐസിയു ബെഡ്ഡുകള് ഒരുക്കാന് ജില്ലാ ഭരണകൂടം തീരുമാനിച്ചു.കൂടുതല് ഡോക്ടര്മാരെ രംഗത്തിറക്കും. ഐസിയുവില് നില്ക്കാന് ജീവനക്കാരെ ലഭിക്കുന്നില്ലെന്നാണ് മറ്റൊരു പരാതി.
അതേസമയം ജില്ലയിലെ 48 പഞ്ചായത്തുകളിലെ ടെസ്റ്റ് പോസിറ്റിവിറ്റി നിരക്ക് 25 ശതമാനം കടന്നു. 26.33 ശതമാനമാണ് നിലവിലെ ടെസ്റ്റ് പോസിറ്റിവിറ്റി നിരക്ക്. 244 മേഖലകള് കണ്ടെയ്ന്മെന്റ് സോണുകളാക്കി. പത്ത് ദിവസത്തിനിടെ കൊവിഡ് സ്ഥിരീകരിച്ചത് 23,437 പേര്ക്കാണ്.
