സമരം ശക്തമാക്കുന്നതിന്റെ ഭാഗമായി കൂടുതല്‍ സമരപരിപാടികളുമായി കര്‍ഷക സംഘടനകള്‍.
ഭഗത് സിംഗ്, സുഖ് ദേവ്, രാജഗുരു എന്നിവരുടെ രക്തസാക്ഷിത്വ ദിനത്തിന്റെ ഭാഗമായി സംഘടിപ്പിക്കുന്ന സ്മരണയില്‍ കര്‍ഷകത്തൊഴിലാളികളുടെ പദയാത്ര ആരംഭിച്ചു. ഹരിയാന ഹിസാറില്‍ നിന്ന് ആരംഭിച്ച പദയാത്ര 150 കിലോമീറ്റര്‍ കാല്‍നടയായി സഞ്ചരിച്ച് 23 ആം തീയതി തിക്രി അതിര്‍ത്തിയിലെത്തും. പദയാത്രയില്‍ തൊഴിലാളി സംഘടനകളും കര്‍ഷക തൊഴിലാളി യൂണിയനുകളും പങ്കു ചേര്‍ന്നു.
കാര്‍ഷിക നിയമങ്ങള്‍ പിന്‍വലിക്കുക, തൊഴിലാളി ദ്രോഹ നിയമങ്ങള്‍ തിരുത്തുക തുടങ്ങിയ ആവശ്യങ്ങളും ഉയര്‍ത്തും.
