വെള്ളിയാഴ്ച ഭാരത് ബന്ദിന് ആഹ്വാനം ചെയ്ത് കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സ്. ഇന്ധന വിലവര്ധനവ്, പുതിയ ഇ-വേ ബില്, ജിഎസ്ടി എന്നിവയില് പ്രതിഷേധിച്ചാണ് ബന്ദിന് ആഹ്വാനം.
40000 വ്യാപാര സംഘടനകള് ബന്ദിന് പിന്തുണയര്പ്പിച്ചിട്ടുണ്ടെന്ന് കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സ് അവകാശപ്പെട്ടു. റോഡുകള് ഉപരോധിച്ചുള്ള സമരപരിപാടികളായിരിക്കും നാളെയുണ്ടാകുകയെന്ന് സമരത്തില് ഏര്പ്പെട്ട സംഘടനകള് അറിയിച്ചു.
കേരളത്തിൽ ബന്ദ് ശക്തമായേക്കില്ല. കേരള വ്യാപാരി വ്യവസായി ഏകോപന സമിതി ബന്ദില് പങ്കെടുക്കില്ലെന്ന് വ്യക്തമാക്കിയിട്ടുണ്ട്. കേരളത്തിലെ മറ്റു വ്യാപാര സംഘടനകള് നിലപാട് വ്യക്തമാക്കിയിട്ടില്ല.ഓള് ഇന്ത്യ ട്രാന്സ്പോര്ട്ട് വെല്ഫയര് അസോസിയേഷനും (എ.ഐ.ടി.ഡബ്ല്യു.എ) ബന്ദിന് പിന്തുണയര്പ്പിച്ചിട്ടുണ്ട്.
അതേസമയം ഓള് ഇന്ത്യ മോട്ടോര് ട്രാന്സ്പോര്ട്ട് കോണ്ഗ്രസ് (എ.ഐ.എം.ടി.സി), ഭയ്ചര ഓള് ഇന്ത്യ ട്രക്ക് ഓപറേഷന് വെല്ഫെയര് അസോസിയേഷന് എന്നിവര് സമരത്തില് നിന്നും വിട്ടുനില്ക്കുമെന്ന് അറിയിച്ചു.
