കുന്ദമംഗലം: ഓമശ്ശേരി പുത്തൂരിൽ നടന്ന ജില്ല സീനിയർ വോളിബോൾ ചാമ്പ്യൻഷിപ്പ് കുന്ദമംഗലം സോൺ മത്സരത്തിൽ പാറ്റേൺ കാരന്തൂർ ചാമ്പ്യന്മാരായി. ഫൈനൽ മത്സരത്തിൽ ഒന്നിനെതിരെ രണ്ട് സെറ്റുകൾക്ക് ( 23-25, 25-19, 15-10 ) ഗ്രീൻ സ്റ്റാർ നരിക്കുനിയെ പരാജയപ്പെടുത്തിയാണ് പാറ്റേൺ ജേതാക്കളായത്. ജേതാക്കൾക്ക് ഓമശ്ശേരി ഗ്രാമപഞ്ചായത്ത് പ്രസിഡണ്ട് നാസർ പുളിക്കൽ ട്രോഫി വിതരണം ചെയ്തു.ബുധനാഴ്ച മുതൽ മാനിപ്പുരത്ത്
നടക്കുന്ന അന്തർ മേഖല മത്സരത്തിൽ കുന്ദമംഗലം മേഖലയിൽ നിന്ന് പാറ്റേൺ കാരന്തൂരും, ഗ്രീൻ സ്റ്റാർ നരിക്കുനിയും പങ്കെടുക്കും.
