ന്യൂ ഡൽഹി : പൗരത്വ ഭേദഗതി നിയമത്തിനെതിരെ പ്രതിഷേധത്തിൽ സംസാരിച്ചതിന്റെ പേരിൽ അറസ്റ്റ് ചെയ്യപ്പെട്ട ഡോക്ടര് കഫീല് ഖാന് ജാമ്യം. ഉടൻ ജയിൽ മോചിതനാക്കാനും കോടതി ഉത്തരവ് . ഡിസംബര് 12 ന് അലിഗഡ് സര്വകലാശാലയില് നടന്ന പ്രതിഷേധ പരിപാടിയിൽ കഫീല് ഖാനെ വിദ്വേഷ പ്രസംഗം നടത്തിയെന്നാരോപിച്ചായിരുന്നു യു.പി പൊലീസ് അറസ്റ്റുചെയ്തത്. ദേശീയ സുരക്ഷാ നിയമം ചുമത്തിയാണ് അദ്ദേഹത്തെ അറസ്റ്റ് ചെയ്തത്.
നേരത്തെ ഗൊരഖ്പുരിലെ ബി.ആര്.ഡി മെഡിക്കല് കോളജില് ഓക്സിജന് കിട്ടാതെ 60 കുട്ടികള് മരിച്ച കേസില് സര്ക്കാരിനെ വിമര്ശിച്ചതോടെയാണ് ഡോ. കഫീല് ഖാന് വാര്ത്തകളിലിടം നേടിയിരുന്നു. നിലവിൽ ഡോക്ടര് കഫീല് ഖാന് ജാമ്യം അനുവദിച്ച കോടതി അദ്ദേഹത്തിനെതിരെ ചുമത്തിയ ദേശീയ സുരക്ഷാ നിയമവും റദ്ദാക്കി.
