വയലിനിസ്റ്റ് ബാലഭാസ്കറിന്റെ മരണവുമായി ബന്ധപ്പെട്ട് ഡ്രൈവര് അര്ജുനെ സിബിഐ ചോദ്യം ചെയ്തു. രണ്ട് മണിക്കൂറോളം ചോദ്യം ചെയ്യല് നീണ്ടു നിന്നു.തൃശ്ശൂരില് വച്ചാണ് ചോദ്യം ചെയ്തത്.
തിരുവനന്തപുരം സിബിഐ എസ്പി നന്ദകുമാറിന്റെ നേതൃത്വത്തിലാണ് ചോദ്യം ചെയ്തത്. അപകടം ഉണ്ടായ വാഹനം ഓടിച്ചത് ആരാണെന്ന കാര്യത്തില് അവ്യക്തത തുടരുന്നുണ്ട്. താനല്ല വണ്ടി ഓടിച്ചതെന്നാണ് അര്ജുന് ആവര്ത്തിച്ച് പറയുന്നത്. ഇതില് വ്യക്തത വരുത്താനായിരുന്നു ചോദ്യം ചെയ്യല്.
ബാലഭാസ്കറിന്റെ ഭാര്യ ലക്ഷ്മി പറഞ്ഞത് അര്ജുനാണ് വാഹനം ഓടിച്ചതെന്നാണ്. മരിക്കുന്നതിന് മുന്പ് ബാലഭാസ്കറിന്റെ മൊഴിയും ഇത് തന്നെയായിരുന്നുവെന്ന് ഡോക്ടര് പറഞ്ഞിരുന്നു.
