സെക്രട്ടേറിയറ്റിലെ പ്രോട്ടോക്കോള് ബ്ലോക്ക് തീപിടിച്ച സംഭവത്തില് ദുരൂഹത ആരോപിച്ച് സംസ്ഥാനവ്യാപകമായി പ്രതിപക്ഷ പ്രതിഷേധം. പലയിടത്തും സംഘര്ഷാവസ്ഥയിലെത്തി. ജലപീരങ്കിയും കണ്ണീര് വാതകവും ലാത്തിച്ചാര്ജും നടന്നു. കോണ്ഗ്രസ്, യൂത്ത് കോണ്ഗ്രസ്, ബിജെപി, യുവമോര്ച്ച, മഹിളാ കോണ്ഗ്രസ്, എസ്ഡിപിഐ പ്രവര്ത്തകരാണ് പ്രതിഷേധിച്ചത്. പൊലീസ് ലാത്തിച്ചാര്ജില് നിരവധിപ്പേര്ക്ക് പരിക്കേറ്റു.
സെക്രട്ടേറിയറ്റിന് മുന്നില് മുഖ്യമന്ത്രിയുടെ രാജി ആവശ്യപ്പെട്ട് പ്രതിഷേധിച്ച യൂത്ത് കോണ്ഗ്രസ് പ്രവര്ത്തകര് ബാരിക്കേഡുകള് തള്ളിമാറ്റാന് ശ്രമിച്ചു. പൊലീസുമായി ഉന്തും തള്ളുമുണ്ടായി. പൊലീസ് ലാത്തിവീശി. നിരവധി പ്രവര്ത്തകര്ക്ക് പരിക്കേറ്റു.
സെക്രട്ടറിയേറ്റിന് മുന്നില് മഹിളാ കോണ്ഗ്രസും എസ്ഡിപിഐയും മുഖ്യമന്ത്രിയുടെ കോലം കത്തിച്ചു. കണ്ണൂരില് ബിജെപി-യുവമോര്ച്ച പ്രതിഷേധം അക്രമാസക്തമായി. കണ്ണൂരില് കളക്ട്രേറ്റില് ബിജെപിയുടെ പ്രതിഷേധ മാര്ച്ചിന് നേരെ പൊലീസ് ലാത്തി വീശി. ജലപീരങ്കി പ്രയോഗിച്ചു. നിരവധിപ്പേര്ക്ക് പരിക്കേറ്റു. പ്രവര്ത്തകരെ അറസ്റ്റ് ചെയ്ത് നീക്കി.
