കോഴിക്കോട്: കുന്ദമംഗലത്തെ ഡേ മാര്ട്ട് സൂപ്പര് മാര്ക്കറ്റ് താൽക്കാലികമായി അടച്ചു. ഇന്ന് രോഗം സ്ഥിരീകരിച്ച മടവൂർ മുട്ടാഞ്ചേരി സ്വദേശിയായ പോലീസ് ഉദ്യോഗസ്ഥൻ ഇവിടെ സന്ദർശനം നടത്തിയിരുന്നു. . ഇതിന്റെ ഭാഗമായി താൽക്കാലികമായി അടയ്ക്കുകയായിരുന്നു. ഇനിയൊരു അറിയുപ്പുണ്ടാകുന്ന വരെ കട തുറക്കുന്നതല്ല.
ഓഗസ്റ്റ് 15 ന് ശനിയാഴ്ച വൈകീട്ട് അഞ്ചു മണി മുതൽ അഞ്ചര വരെയുള്ള സമയത്താണ് ഇദ്ദേഹം സന്ദർശനം നടത്തിയിരിക്കുന്നത്. ഈ സമയത്ത് സ്ഥാപനത്തിൽ സന്ദർശനം നടത്തിയ മുഴുവൻ ആളുകളും സ്വയം നിരീക്ഷണത്തിൽ പ്രവേശിക്കാൻ ഹെൽത്ത് ഇൻസ്പെക്ടർ സുരേഷ് ബാബു നിർദ്ദേശം നൽകിയിട്ടുണ്ട്
അതേ സമയം കഴിഞ്ഞ ദിവസം കുന്ദമംഗലത്ത് വെച്ച് നടന്ന കോവിഡ് പരിശോധനയിലെ അവസാന ഫലവും നെഗറ്റീവായി. നേരത്തെ 135 പേരിൽ 134 പേരുടെ ഫലം നെഗറ്റീവായിരുന്നു.
