ഇടുക്കിയിലെ മണ്ണിടിച്ചില് അപകടത്തില്പ്പെട്ടവര്ക്ക് ചികിത്സ ലഭ്യമാക്കാന് പ്രത്യേക മൊബൈല് മെഡിക്കല് സംഘത്തെ അയച്ചതായി ആരോഗ്യമന്ത്രി കെ.കെ ശൈലജ ടീച്ചര് അറിയിച്ചു. ഇതോടൊപ്പം 15 ആംബുലന്സുകളും സംഭവ സ്ഥലത്തേയ്ക്ക് അയച്ചിട്ടുണ്ട്. ആവശ്യമെങ്കില് കൂടുതല് മെഡിക്കല് സംഘത്തേയും നിയോഗിക്കുന്നതാണ്. ആശുപത്രികള് അടിയന്തരമായി സജ്ജമാക്കാനും നിര്ദേശം നല്കിയിട്ടുണ്ടെന്നും മന്ത്രി പറഞ്ഞു.
മണ്ണിടിച്ചില് ഉണ്ടായ പ്രദേശത്ത് നാല് ലയങ്ങളിലായി 78 പേരാണ് താമസിച്ചിരുന്നത് എന്നാണ് വിവരം. അപകടത്തില്പ്പെട്ടവരില് 12 പേരെ രക്ഷപ്പെടുത്തി. 15 മൃതദേഹങ്ങള് കണ്ടെടുത്തു. 57 പേര്ക്കായി തിരച്ചില് തുടരുകയാണ്. മേഖലയില് രക്ഷാപ്രവര്ത്തനം പുരോഗമിക്കുകയാണ്.
മണ്ണിടിച്ചില് ഉണ്ടായ ഇടുക്കി രാജമലയില് കൂടുതല് രക്ഷാപ്രവര്ത്തനങ്ങള്ക്കായി ഫയര് ആന്ഡ് റെസ്ക്യൂ വിഭാഗത്തിന്റെ പരിശീലനം ലഭിച്ച 50 അംഗ ടീമിനെ നിയോഗിച്ചു. സംഘം സംഭവസ്ഥലത്തേക്ക് പുറപ്പെട്ടതായി മുഖ്യമന്ത്രി പിണറായി വിജയന് അറിയിച്ചു.
