കോവിഡ് പശ്ചാത്തലത്തിൽ എ പി ജെ. അബ്ദുൽകലാം ശാസ്ത്ര സാങ്കേതിക സർവ്വകലാശാല ജൂലൈ
ഒന്നുമുതൽ നടത്താനിരുന്ന മുഴുവൻ പരീക്ഷകളും മാറ്റി വെച്ചതായി വൈസ് ചാൻസലർ ഡോ എം എസ്.രാജശ്രീ അറിയിച്ചു. വിദ്യാർത്ഥികളുടെയും, രക്ഷിതാക്കളുടെയും പരാതിയെ തുടർന്നാണ് നടപടിയെന്ന് വൈസ് ചാൻസലർ വ്യക്തമാക്കി.
.തുടർ നടപടികൾക്കായി വിഷയം അക്കാഡമിക് കമ്മിറ്റിയുടെ പരിഗണയ്ക്കായി സമർപ്പിക്കുവാനും തീരുമാനിച്ചു. പ്രൊ വൈസ് ചാൻസലർ ഡോ.എസ്. അയൂബിന്റെ അദ്ധ്യക്ഷതയിൽ കൂടിയ സിണ്ടിക്കേറ്റിന്റെ പരീക്ഷാ സ്റ്റാൻഡിങ് കമ്മിറ്റിയാണ് പരീക്ഷകൾ മാറ്റിവയ്ക്കുവാൻ തീരുമാനിച്ചത്. പരീക്ഷയുമായി ബന്ധപ്പെട്ടുള്ള തുടർ നടപടികൾ ചർച്ചയ്ക്ക് ശേഷം വ്യക്തമാക്കും.
