കോവിഡ് വൈറസിനെതിരായ പോരാട്ടത്തില് ഇന്ത്യ മറ്റുരാജ്യങ്ങളെ അപേക്ഷിച്ച് വളരെ മുന്നിലാണെന്ന് പ്രധാനമന്ത്രി നരേന്ദ്രമോദി. ഇന്ത്യയില് രോഗമുക്തരാകുന്നവരുടെ എണ്ണം വര്ധിച്ചുകൊണ്ടിരിക്കുകയാണെന്നും അദ്ദേഹം ചൂണ്ടിക്കാട്ടി. വൈറസിനെതിരായി ജനങ്ങള് നടത്തിയ പോരാട്ടം ഫലം കണ്ടുവെന്നും അദ്ദേഹം അഭിപ്രായപ്പെട്ടു. മാര്ത്തോമാ സഭാധ്യക്ഷന് ഡോ.ജോസഫ് മാര്ത്തോമ്മ മെത്രോപ്പോലീത്തയുടെ നവതി ആഘോഷ ചടങ്ങ് വീഡിയോ കോണ്ഫറന്സിലൂടെ ഉദ്ഘാടനം ചെയ്യുകയായിരുന്നു അദ്ദേഹം.
ഇന്ത്യയില് വൈറസ് ഉണ്ടാക്കുന്ന പ്രത്യാഘാതം വളരെ ഗുരുതരമായിരിക്കുമെന്നാണ് ചിലര് പ്രവചിച്ചത്. എന്നാല് ലോക്ഡൗണ് ഉള്പ്പടെ സര്ക്കാര് എടുത്ത പ്രതിരോധ നടപടികള് ഗുണം ചെയ്തു. വൈറസിനെതിരായി ജനങ്ങള് നടത്തിയ പോരാട്ടം ഫലം കണ്ടു. ഇന്ത്യയില് രോഗമുക്തരാകുന്നവരുടെ എണ്ണം വര്ധിച്ചുകൊണ്ടിരിക്കുകയാണ്-പധാനമന്ത്രി പറഞ്ഞു.
