ഇടുക്കി: വനത്തോട് ചേര്ന്ന് തോട്ടം മേഖലയില് രാത്രി സഞ്ചാരത്തിന് നിയന്ത്രണമേര്പ്പെടുത്തി ഇടുക്കി ജില്ലാ കളക്ടറുടെ ഉത്തരവ്. കാട്ടാന ആക്രമണം വര്ധിച്ച സാഹചര്യത്തില് ആളുകളുടെ സുരക്ഷ മുന്നിര്ത്തിയാണ് നടപടി. കളക്ടറുടെ ഉത്തരവിനെതിരെ എല്ഡിഎഫും ഇടത് കര്ഷക സംഘടനകളും രംഗത്തെത്തി.
വൈകിട്ട് 6 മുതല് രാവിലെ ആറു വരെ വനത്തോട് ചേര്ന്ന തോട്ട മേഖലയില് രാത്രി സഞ്ചാരത്തിന് കര്ശന നിയന്ത്രണം വേണമെന്ന് ഇടുക്കി ജില്ലാ കളക്ടര് ഡോക്ടര് ദിനേശന് ചെറുവാട്ടിന്റെ ഉത്തരവില് പറയുന്നു. മനുഷ്യ വന്യജീവി സംഘര്ഷം ഒഴിവാക്കാനാണ് നടപടി. മൂന്നാര്, ഉടുമ്പന്ചോല, പീരുമേട് മേഖലകളിലെ പ്ലാന്റേഷന് ഇന്സ്പെക്ടര്മാര്ക്കാണ് കളക്ടര് നിര്ദ്ദേശം നല്കിയത്.
ഉത്തരവ് വിവാദമായതോടെ കളക്ടറെ പിന്തുണച്ച് ഉടുമ്പന്ചോല എംഎല്എ സേനാപതി വേണു രംഗത്തെത്തി. കളക്ടറുടെ ഉത്തരവ് ജനദ്രോഹ നടപടിയെന്ന് സിപിഐഎം ഇടുക്കി ജില്ലാ സെക്രട്ടറി സി വി വര്ഗ്ഗീസ് പ്രതികരിച്ചു.
