പത്തനംതിട്ട: ശബരിമലയിലെ ഓണസദ്യയ്ക്കായുള്ള സംഘടനകളുടെ പണപ്പിരിവ് ഒഴിവാക്കി തിരുവിതാംകൂര് ദേവസ്വം ബോര്ഡ്. ബോര്ഡ് നേരിട്ട് മെസ്സ് വഴി ഭക്തര്ക്ക് സദ്യ ലഭ്യമാക്കി.
അതേസമയം അന്നദാന മണ്ഡപത്തില് പുലാവ് വിളമ്പിയതില് സര്വീസ് സംഘടനകള് അതൃപ്തി പ്രകടിപ്പിച്ചു. എന്നാല് അനധികൃത പണപ്പിരിവ് ഒഴിവാക്കുകയായിരുന്നു ദേവസ്വം ബോര്ഡ് ലക്ഷ്യമെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാര് പറഞ്ഞു. ജീവനക്കാര് പണപ്പിരിവ് നടത്തി ഇക്കുറി സദ്യ നടത്തേണ്ടന്നും ദേവസ്വം ബോര്ഡ് നേരിട്ട് സദ്യ നല്കാനും തീരുമാനിക്കുകയായിരുന്നുവെന്ന് പ്രസിഡന്റ് പറഞ്ഞു.
