ഇന്ത്യയില് കഴിഞ്ഞ 24 മണിക്കൂറിനിടെ 13,586 പേര്ക്ക് കോവിഡ്. ഇതുവരെ കോവിഡ് ബാധിച്ചതില് ഏറ്റവും ഉയര്ന്ന പ്രതിദിന കണക്കാണ് ഇത്. 24 മണിക്കൂറില് 336 പേര് മരണപ്പെടുകയും ചെയ്തു. 3,80,532 പേര്ക്കാണ് ഇതുവരെ കൊവിഡ് ബാധിച്ചത്. 1,63,248 പേരാണ് ഇപ്പോള് ചികിത്സയില് കഴിയുന്നത്. 12,573 പേരാണ് രാജ്യത്ത് കൊവിഡ് ബാധിച്ച് മരണപ്പെട്ടത്.
ലോകത്താകെ കൊവിഡ് ബാധിതരുടെ എണ്ണം 86 ലക്ഷത്തോടടുക്കുകയാണ്. മരണം നാലരലക്ഷം കടന്നു. അമേരിക്കയില് ഒരു ലക്ഷത്തി ഇരുപതിനായിരത്തിലധികം പേരാണ് കൊവിഡ് ബാധിച്ച് മരിച്ചത്.
അതിനിടെ ഈ വര്ഷം അവസാനത്തിന് മുന്പ് കൊവിഡിനെതിരായ വാക്സിന് വികസിപ്പിക്കാന് സാധിച്ചേക്കുമെന്ന് ലോകാരോഗ്യ സംഘടന അറിയിച്ചു. ലോകാരോഗ്യ സംഘടനയിലെ മുഖ്യ ശാസ്ത്രഞ്ജ ഡോ. സൗമ്യ സ്വാമിനാഥനാണ് ജനീവയില് നടത്തിയ വാര്ത്ത സമ്മേളനത്തില് ഈകാര്യത്തില് പ്രതീക്ഷ പ്രകടിപ്പിച്ചത്.
