ട്രെയിനില് ദമ്പതികള്ക്ക് മണിയറയൊരുക്കിയ സംഭവത്തില് ടിക്കറ്റ് എക്സാമിനര്ക്കെതിരെ നടപടി. ടിക്കറ്റ് എക്സാമിനറെ സസ്പെന്ഡ് ചെയ്തു. ട്രെയിന് നമ്പര് 11002 നന്ദിഗ്രാം എക്സ്പ്രസിലെ ഫസ്റ്റ് എസി ക്യാബിനില് ആണ് സംഭവം.ബലൂണുകളും പൂക്കളും കൊണ്ട് അലങ്കരിച്ച ട്രെയിനിന്റെ ദൃശ്യങ്ങള് വൈറലായിരുന്നു.
സംഭവത്തില് ഗുരുതര വീഴ്ച സംഭവിച്ചതായി റെയില്വേ അറിയിച്ചു. അലങ്കാര പണികള് ചെയ്തയാള് ട്രെയിനില് പ്രവേശിച്ചത് ടിക്കറ്റില്ലാതെ. ഉത്തരവാദിത്തപ്പെട്ടവര്ക്കെതിരെ നടപടിയെടുത്തായി റെയില്വേ അറിയിച്ചു. വിശദമായ വകുപ്പുതല അന്വേഷണത്തിന് ഉത്തരവിട്ടിട്ടുണ്ട് എന്നും റെയില്വേ വ്യക്തമാക്കി
ജൂലൈ 6 ന് ട്രെയിന് നമ്പര് 11002 നന്ദിഗ്രാം എക്സ്പ്രസിലാണ് സംഭവം നടന്നത്. മന്ത്രാലയം പറയുന്നതനുസരിച്ച്, ദമ്പതികള് അവരുടെ ഫസ്റ്റ് എസി ക്യാബിന് അലങ്കരിക്കാന് ഒരു ഓണ്ലൈന് സേവനത്തിലൂടെ ഒരു സ്വകാര്യ ഡെക്കറേറ്ററെ നിയമിച്ചിരുന്നു. ഔദ്യോഗിക അനുമതിയില്ലാതെ ഡെക്കറേറ്റര് കോച്ചില് കയറി കമ്പാര്ട്ട്മെന്റ് രൂപാന്തരപ്പെടുത്തി.
