കക്കോടി പടിഞ്ഞാറ്റുമുറിയില് മണ്ണാറുപൊയിലില് ഒറ്റമുറി വീട്ടില് ജീവിതം തള്ളിനീക്കി മകളും അമ്മയും. അമ്മയെ ഭര്ത്താവ് ഉപേക്ഷിച്ച് പോയ ശേഷം ടാര്പ്പായ കൊണ്ട് മറച്ച് ഷീറ്റിട്ട ചെറിയ ഒരു ഷെഡ്ഡിലാണ് ഇരുവരും താമസിക്കുന്നത്. പത്താം ക്ലാസില് പഠിക്കുന്ന പെണ്കുട്ടിക്ക് വേണ്ട യാതൊരു അടിസ്ഥാന സൗകര്യവും ഇവിടെയില്ല. സൗകര്യമില്ലാത്തതിനാല് പ്ലസ് ടുവിന് പഠിക്കുന്ന കുട്ടി പാലക്കാട് അമ്മയുടെ ചേച്ചിയുടെ വീട്ടിലാണ്.
അമ്മക്ക് ജോലിയൊന്നും ഇല്ലാത്തതിനാല് അയല്ക്കാരുടെയും കുടുംബത്തിന്റെയും സഹായത്തിലാണ് ഇപ്പോള് ഇവര് ജീവിതം തള്ളിനീക്കുന്നത്. വീട്ടില് കിണറോ, ബാത്ത്റൂമോ ഒന്നും തന്നെയില്ല. കുട്ടിയുടെ അമ്മയുടെ അച്ഛന് മാനസിക വൈകല്യമുണ്ട്.
ഒരു തുണ്ട് ഭൂമിയില് ചെറിയ വീട് വെക്കണമെന്നാണ് ഇവരുടെ ആഗ്രഹം. കുട്ടിയുടെ പഠനത്തിനും പണം ആവശ്യമാണ്. അതിനാല് സുമനസ്സുകളുടെ സഹായം പ്രതീക്ഷിച്ചാണ് ഇപ്പോള് ഇവര് കഴിയുന്നത്. നേരത്തെ കുട്ടിയുടെ ബുദ്ധിമുട്ട് മുനസ്സിലാക്കിയ മനുഷ്യാവകാശ പ്രവര്ത്തകന് നൗഷാദ് തെക്കയില് പഠനത്തിനാവശ്യമായ ടിവി നല്കിയിരുന്നു.
