അട്ടപ്പാടി മധു കൊലപാതകക്കേസിലെ അപ്പീല് ഹര്ജികളില് ഹൈക്കോടതി ഇന്ന് വിധി പറയും. ശിക്ഷാവിധിക്കെതിരെ പ്രതികളും, ശിക്ഷ വര്ദ്ധിപ്പിക്കണമെന്ന് ആവശ്യപ്പെട്ട് സംസ്ഥാന സര്ക്കാരും സമര്പ്പിച്ച ഹര്ജികളിലാണ് ഡിവിഷന് ബഞ്ച് വിധി പറയുക. 15 പ്രതികളും ഇന്ന് നേരിട്ട് ഹാജരാകണമെന്ന് കോടതി നിര്ദ്ദേശിച്ചിട്ടുണ്ട്. ജയിലിലുള്ള 12 പ്രതികളെയും അധികൃതര് ഹാജരാക്കും.
പ്രതികള്ക്ക് ജീവപര്യന്തം ശിക്ഷ നല്കണമെന്നാണ് സംസ്ഥാന സര്ക്കാരിന്റെ അപ്പീലിലെ ആവശ്യം.
വിചാരണക്കോടതി വെറുതെ വിട്ട മൂന്ന് പ്രതികളെ ശിക്ഷിക്കണമെന്നും സര്ക്കാര് ആവശ്യപ്പെടുന്നു.
കുറ്റവിമുക്തരാക്കണം എന്നാണ് വിചാരണക്കോടതി ശിക്ഷിച്ച പ്രതികളുടെ ആവശ്യം.
2018 ഫെബ്രുവരി 22നാണ് മോഷണക്കുറ്റം ആരോപിച്ചുള്ള മര്ദനത്തെ തുടര്ന്ന് അട്ടപ്പാടിയില് മധു കൊല്ലപ്പെട്ടത്.
കുറ്റക്കാരാണെന്ന് കണ്ടെത്തിയ 14 പ്രതികളില് 13 പേര്ക്കും ഏഴുവര്ഷം കഠിനതടവും ഒരുലക്ഷം രൂപ പിഴയുമായിരുന്നു പ്രത്യേക കോടതി ശിക്ഷ വിധിച്ചത്.
