കുന്ദമംഗലം: കാരന്തൂരിലെയും പരിസര പ്രദേശങ്ങളിലെയും കിടപ്പിലായ രോഗികൾക്ക് മരുന്ന്, മെഡിക്കൽ ഉപകരണങ്ങൾ, ചികിത്സാചെലവ്, ആംബുലൻസ് സർവീസ് എന്നിവ ഉൾപ്പെടെ നൽകി കഴിഞ്ഞ ഇരുപത്തി ഒരുവർഷമായി ആതുരസേവന രംഗത്ത് ശ്രദ്ധേയമായ പ്രവർത്തനങ്ങൾ നടത്തി വരുന്ന ബാഫഖി തങ്ങൾ മെമ്മോറിയൽ റിലീഫ് & ചാരിറ്റബിൾ കമ്മിറ്റി (ബി.എം.ആർ.സി.സി)യുടെ 2026-29 കാലയളവിലേക്കുള്ള പുതിയ ഭാരവാഹികളെ തിരഞ്ഞെടുത്തു.
ടി. അബ്ദുള്ള കോയ പ്രസിഡന്റായി തെരഞ്ഞെടുക്കപ്പെട്ടു. പി. മുഹമ്മദ് ഹാജി, ഹുസൈൻ ഹാജി മാട്ടുമ്മൽ, എം.ടി. അബ്ദുള്ളകോയ എന്നിവർ വൈസ് പ്രസിഡന്റുമാരാണ്. വി.കെ. ബഷീർ മാസ്റ്റർ ജനറൽ സെക്രട്ടറിയായും സിദ്ധീഖ് തെക്കയിൽ, അനീസ് കുട്ടിക്കാട്ടിൽ, സലാം എടക്കുനി എന്നിവർ സെക്രട്ടറിമാരായും പി.ടി. മുഹമ്മദ് ഹാജി ട്രഷററായും തിരഞ്ഞെടുക്കപ്പെട്ടു.
യോഗത്തിൽ സി. അബ്ദുൾ ഗഫൂർ, എം.ടി. ആലി ഹാജി, അൻഫാസ് കാരന്തൂർ, ലത്തീഫ് ചെന്നിലേരി, കെ.എം. ബഷീർ, ആലി പുതുകൂടി എന്നിവർ സംസാരിച്ചു.
കുന്ദമംഗലം ബിഎംആർസിസിക്ക് പുതിയ ഭാരവാഹികൾ
