നിരവധി ക്രിമിനൽ കേസുകളിലും, മയക്കുമരുന്ന് കേസുകളിലും പ്രതിയായ തിരുവനന്തപുരം പുല്ലമ്പാറ സ്വദേശി അൻസാർ (39) കഞ്ചാവുമായി പിടിയിൽ.റെയിൽവേ സ്റ്റേഷൻ പരിസരത്തു നിന്നും കഞ്ചാവ് വില്പന നടത്തുന്നതിനിടെ പിടിയിലായത്.
നാർക്കോട്ടിക് സെൽ അസിസ്റ്റന്റ് കമ്മീഷണർ കെ എ ബോസിന്റെ നേതൃത്വത്തിലുള്ള ഡാൻ സാഫും എസ് ഐ ശ്രീഷിതയുടെ നേതൃത്വത്തിലുള്ള ടൗൺ പോലീസും ചേർന്നാണ് പ്രതിയെ പിടികൂടിയത്. ഇയാളിൽ നിന്നും 58 ഗ്രാം കഞ്ചാവ് കണ്ടെടുത്തു.
റെയിൽവേ പരിസരം ആനിഹാൾ റോഡ് പാളയം മാർക്കറ്റ് എന്നിവ കേന്ദ്രീകരിച്ച് കഞ്ചാവ് വിൽപ്പന നടത്തുന്നതാണ് പ്രതിയുടെ രീതി. ഡെൻസാഫ് എസ് ഐ മനോജ്, ഇ എസ് സിപിഒ സുനോജ്, കെ തൗഫീഖ്, ടി കെ ദിനീഷ് ,പി കെ മുഹമ്മദ്, മഷ്ഹൂർ കെ എം എന്നിവരാണ് അന്വേഷണ സംഘത്തിൽ ഉണ്ടായിരുന്നത്
