പത്തനംതിട്ട: പത്തനംതിട്ട കോന്നി പയ്യനാമണ് പാറമട അപകടത്തില്പ്പെട്ട ബീഹാര് സ്വദേശിയെ പുറത്തെടുക്കാനുള്ള ശ്രമങ്ങള് വൈകുന്നു. അപകട സ്ഥലത്തെത്തിയ ദൗത്യസംഘത്തിന് വെല്ലുവിളിയായി വീണ്ടും പാറയിടിഞ്ഞു. ഇതോടെ ദൗത്യം താത്കാലികമായി നിര്ത്തിവെച്ചു. യന്ത്രങ്ങള് എത്തിച്ച ശേഷം വീണ്ടും രക്ഷാദൗത്യം തുടങ്ങും.
രാവിലെ പ്രത്യേക റോപ്പുകള് ഉപയോഗിച്ച് ഹിറ്റാച്ചി കിടക്കുന്ന സ്ഥലത്തെത്തി ദൗത്യസംഘത്തിലെ നാല് പേര് പരിശോധന നടത്തി. മണ്ണുമാന്തി യന്ത്രത്തിന്റെ ക്യാബിന് മുകളില് വലിയ പാറകള് മൂടിയ നിലയിലാണ്. വലിയ ക്രെയിന് എത്തിച്ചാല് മാത്രമേ ദൗത്യം മുന്നോട്ട് കൊണ്ടുപോകാനാകൂ എന്നാണ് വിലയിരുത്തല്. വീണ്ടും പാറയിടിയുന്നത് രക്ഷാദൗത്യത്തിന് വെല്ലുവിളിയാണ്.
ഹിറ്റാച്ചിയുടെ ക്യാബിന് മുഴുവനായും പാറ മൂടി കിടക്കുകയാണ്, മനുഷ്യശേഷി ഉപയോഗിച്ച് പാറക്കഷ്ണങ്ങള് മാറ്റാന് കഴിയില്ലെന്നും ക്രെയിന് എത്തിക്കേണ്ടിവരുമെന്നും ഫയര്ഫോഴ്സ് ജില്ലാ മേധാവി പ്രതാപ് ചന്ദ്രന് പ്രതികരിച്ചു. ക്യാബിന് മുകളിലുള്ള പാറക്കഷ്ണങ്ങള് മാറ്റാനാണ് ദൗത്യ സംഘം ഇറങ്ങിയതെന്ന് ജില്ലാ കളക്ടര് അറിയിച്ചു. അത് പൂര്ത്തിയാക്കി അവര് തിരികെ കയറി. ഇനി വലിയ ക്രെയിന് എത്തിച്ച ശേഷം ദൗത്യം തുടരുമെന്ന് കളക്ടര് പ്രേം കൃഷ്ണന് പറഞ്ഞു.
