മാനന്തവാടി: കടുവയാക്രമണത്തില് ആദിവാസി സ്ത്രീ കൊല്ലപ്പെട്ട പഞ്ചാരക്കൊല്ലിയില് ഇന്നും സംഘര്ഷാവസ്ഥ. രാധ കൊല്ലപ്പെട്ട പ്രിയദര്ശിനി എസ്റ്റേറ്റിലെ ബേസ് ക്യാംപിലാണ് നാട്ടുകാരുടെ പ്രതിഷേധം. കടുവ ദൗത്യം വൈകുന്നതില് നാട്ടുകാര് അമര്ഷത്തിലാണ്. കടുവയെ പിടികൂടിയാല് തന്നെ കൂട്ടിലടച്ച് കൊണ്ടുപോകാന് സമ്മതിക്കില്ലെന്നും വെടിവെച്ചുകൊല്ലണമെന്നും പ്രതിഷേധക്കാര് പറയുന്നു. ഡിഎഫ്ഒ പ്രതിഷേധക്കാരോട് കാര്യങ്ങള് വിശദീകരിക്കാനുള്ള ശ്രമം പുരോഗമിക്കുകയാണ്.
ആളെക്കൊല്ലി കടുവയുടെ ചിത്രം ക്യാമറാ ട്രാപ്പില് പതിഞ്ഞിട്ടുണ്ടെന്നാണ് വനംവകുപ്പ് ഉദ്യോഗസ്ഥര് പറയുന്നത്. കടുവയുടെ കാല്പാദം കണ്ടെന്നും ഉദ്യോഗസ്ഥര് അറിയിക്കുന്നു. കടുവയെ തിരിച്ചറിഞ്ഞാല് മാത്രമെ പിടികൂടുന്ന നടപടിയിലേക്ക് കടക്കുകയുള്ളൂ.
