കുപ്പിവെള്ളത്തെ ഉയര്ന്ന അപകടസാധ്യതയുള്ള ഭക്ഷണ വിഭാഗമായി പ്രഖ്യാപിച്ച് ഫുഡ് സേഫ്റ്റി ആന്ഡ് സ്റ്റാന്ഡേര്ഡ് അതോറിറ്റി ഓഫ് ഇന്ത്യ (എഫ്.എസ്.എസ്.എ.ഐ). പാക്കേജുചെയ്ത മിനറല് വാട്ടറുകള്ക്ക് ബ്യൂറോ ഓഫ് ഇന്ത്യന് സ്റ്റാന്ഡേര്ഡ്സില് നിന്ന് സര്ട്ടിഫിക്കേഷന് നേടുന്നതിനുള്ള നിര്ബന്ധിത വ്യവസ്ഥ ഒഴിവാക്കാനുള്ള സര്ക്കാര് ഒക്ടോബറിലെ തീരുമാനത്തെ തുടര്ന്നാണിത്. ഭക്ഷ്യ സുരക്ഷയെയും പൊതുജനാരോഗ്യവും ശുചിത്വത്തെയും കുറിച്ചുള്ള വര്ദ്ധിച്ചുവരുന്ന ആശങ്കകള്ക്കിടയിലാണ് അതോറിറ്റിയുടെ ഈ നീക്കം.
മോശം പാക്കേജിങ്, മോശം സ്റ്റോറേജിങ് എന്നീ വിഭാഗങ്ങളില്പ്പെടുന്നവയെയാണ് ഹൈ റിസ്ക് ഭക്ഷണ വിഭാഗത്തില് ഉള്പ്പെടുത്തുന്നത്. ഇവയെ കൂടാതെ പാല് ഉല്പ്പന്നങ്ങള്, മത്സ്യം, മുറിച്ചു വെച്ച പച്ചക്കറികള് എന്നിവയെയും ഹൈറിസ്ക്ക് കാറ്റഗറിയില് ഉള്പ്പെടുത്തിയിട്ടുണ്ട്.
ഇത്തരത്തില് ഹൈ റിസ്ക് വിഭാഗത്തില് ഉള്പ്പെട്ട ഉത്പ്പന്നങ്ങള് എല്ലാം തന്നെ ചില സുരക്ഷ പരിശോധനങ്ങളിലൂടെ കടന്നു പോകേണ്ടതുണ്ട്. ഇതിന് പുറമെ ഇത്തരം ഉത്പ്പന്നങ്ങള് നിര്മിക്കുന്ന കമ്പനികള് എഫ്എസ്എസ്എഐയുടെ കീഴിലുള്ള ഏതെങ്കിലും തേര്ഡ് പാര്ട്ടി ഫുഡ് ഓഡിറ്റിങ് കമ്പനിയില് നിന്ന് വര്ഷാവര്ഷം ഓഡിറ്റിങ് നടത്തേണ്ടതുണ്ട്. ഉപഭോക്താക്കളുടെ സുരക്ഷ ഉറപ്പ് വരുത്തുന്നതിനും മിനറല് വാട്ടറുകളടെ ഗുണനിലവാരം നിലനിര്ത്തുന്നതിനുമാണ് പുതിയ മാനദണ്ഡങ്ങള് നിശ്ചയിച്ചതെന്നാണ് അതോറിറ്റി വ്യക്തമാക്കുന്നത്.
