ക്രിക്കറ്റ് പ്രേമികള് ഏറെ കാത്തിരുന്ന ഈ വര്ഷം നടക്കേണ്ട ടി20 ലോക കപ്പും മാറ്റിവെച്ചേയ്ക്കും. കോവിഡ് ലോകമാകെ പടരുന്ന സാഹചര്യത്തിലാണ് തീരുമാനം. ഇക്കാര്യത്തില് ഐസിസി അടിയന്തര യോഗം വിളിച്ചു ചേര്ത്തിട്ടുണ്ട്. മാര്ച്ച് 29നാണ് യോഗം വിളിച്ചിരിക്കുന്നത്.
കോവിഡ് 19 നിയന്ത്രണ വിധേയമാക്കാന് 6 മാസമെങ്കിലും വേണ്ടി വരുമെന്നാണ് പൊതുവെയുളള വിലയിരുത്തല്. ഈ സാഹചര്യത്തിലാണ് കടുത്ത നടപടികളെ കുറിച്ച് ഐസിസി ആലോചിക്കുന്നത്. നേരത്തെ ഐപിഎല് ഉപേക്ഷിച്ചേക്കുമെന്ന വാര്ത്തയും ഉണ്ടായിരുന്നു.
ഓസ്ട്രേലിയയാണ് പുരുഷ ട്വന്റി20 ലോക കപ്പിനും ഇത്തവണ ആതിഥേയത്വം വഹിക്കുന്നത്. ഒക്ടോബറിലാണ് ട്വന്റി20 ലോക കപ്പ് നടക്കേണ്ടത്.
പ്രീമിയര് ലീഗ്, ചാമ്പ്യന്സ് ലീഗ്, സീരി എ ഉള്പ്പെടെ വമ്പന് ലീഗുകള് ഫുട്ബോളില് മാറ്റിവെച്ചു കഴിഞ്ഞു. ജൂലൈയില് നടക്കേണ്ട ഒളിമ്പിക്സ് 2022ലേക്ക് മാറ്റി വെച്ചേക്കുമെന്ന സൂചനകളാണ് വരുന്നത്.
