തിരുവനന്തപുരം: തിരുവനന്തപുരം മേയര് ആര്യാ രാജേന്ദ്രനും കെഎസ്ആര്ടിസി ഡ്രൈവര് യദുവുമായുള്ള തര്ക്കത്തില് പൊലീസ് അന്വേഷണ പുരോഗതി റിപ്പോര്ട്ട് സമര്പ്പിച്ചു. തിരുവനന്തപുരം കന്റോണ്മെന്റ് പൊലീസാണ് മജിസ്ട്രേറ്റ് കോടതിയില് റിപ്പോര്ട്ട് സമര്പ്പിച്ചത്. മാധ്യമശ്രദ്ധക്ക് വേണ്ടിയാണ് യദുവിന്റെ പരാതിയെന്ന് പ്രോസിക്യൂഷന് ആരോപിച്ചു.
നാല്, അഞ്ച് പ്രതികള് ആരാണെന്നും പൊലീസ് കോടതിയെ അറിയിച്ചു. നേരത്തെ പ്രതിപ്പട്ടികയില് നാല്, അഞ്ച് പ്രതികള് ഉണ്ടായിരുന്നില്ല. കന്യാകുമാരി സ്വദേശി രാജീവ് ആണ് നാലാം പ്രതി. മേയറുടെ സഹോദരന്റെ ഭാര്യ ആര്യയാണ് അഞ്ചാം പ്രതി. 14 രേഖകള് പ്രോസിക്യൂഷന് കോടതിയില് ഹാജരാക്കി. കോടതിയുടെ മേല്നോട്ടത്തില് അന്വേഷണം വേണമെന്ന യദുവിന്റെ ഹരജി 29ന് പരിഗണിക്കും.
യദുവിന്റെ ഡ്യൂട്ടി സര്ട്ടിഫിക്കറ്റ് ഉള്പ്പെടെയുള്ള രേഖകളും സംഭവം നടന്ന സ്ഥലത്തെ സിസിടിവി ദൃശ്യങ്ങളും പൊലീസ് കോടതിയില് ഹാജരാക്കി.
