രാജ്യത്തെ നടുക്കിയ നിര്ഭയ കേസില് പ്രതികളുടെ വധശിക്ഷ മാര്ച്ച് 20 ന് നടപ്പാക്കാന് പുതിയ വാറന്റ്. ഡല്ഹി പട്യാല ഹൗസ് കോടതിയാണ് പുതിയ മരണ വാറണ്ട് പുറപ്പെടുവിച്ചത്. എല്ലാവരുടെയും ദയാഹര്ജികള് തള്ളിയ സാഹചര്യത്തിലാണ് കോടതി പുതിയ മരണവാറണ്ട് പുറപ്പെടുവിച്ചത്
പവന് ഗുപ്ത, വിനയ് ശര്മ, അക്ഷയ് ഠാക്കൂര്, മുകേഷ് സിംഗ് എന്നിവരെയാണ് തൂക്കിലേറ്റുക. മാര്ച്ച് 20 ന് രാവിലെ ആറ് മണിക്ക്് പ്രതികളെ തൂക്കിലേറ്റും.
നിര്ഭയ കേസ് പ്രതികളുടെ വധശിക്ഷ നടപ്പാക്കാന് പുതിയ മരണവാറണ്ട് പുറപ്പെടുവിക്കണമെന്ന് ആവശ്യപ്പെട്ട് പ്രോസിക്യൂഷന് ദില്ലി പട്യാല ഹൗസ് കോടതിയെ സമീപിച്ചിരുന്നു. ഹര്ജി ഫയലില് സ്വീകരിച്ച കോടതി പ്രതികള്ക്ക് നോട്ടീസ് അയക്കുകയും ചെയ്തു. പ്രതികളിലൊരാളായ പവന് ഗുപ്ത നല്കിയ ദയാഹര്ജി രാഷ്ട്രപതി തള്ളിയ സാഹചര്യത്തിലാണ് പ്രോസിക്യൂഷന് കോടതിയില് ഹര്ജി നനല്കിയത്.
